United yfir gegn Bolton í hálfleik

Manchester United hefur yfir 2-1 í hálfleik gegn Bolton, en nú standa yfir sex leikir í ensku úrvalsdeildinni. Fyrsta mark United var sjálfsmark frá N´Gotty, en eftir að Gary Speed hafði jafnað metin fyrir Bolton, kom Louis Saha United yfir á nýjan leik.

Portsmouth hefur 1-0 yfir gegn Heiðari Helgusyni og félögum í Fulham, þar sem O´Neal skoraði mark Portsmouth og Norðmaðurinn Pedersen hefur komið Blackburn yfir á útivelli gegn Wigan.

Markalaust er í öðrum leikjum, viðureignum Liverpool og West Brom, Middlesbrough og Manchester City og svo í leik Sunderland og Everton.