Fýluferð Owen á Anfield

Michael Owen sótti ekki gull í greipar fyrrum félaga sinna í Liverpool á Anfield í dag, þegar Liverpool skellti Newcastle 2-0. Steven Gerrard skoraði fyrra mark Liverpool, en síðara markið var skráð sem sjálfsmark Shay Given markvarðar Newcastle. Manchester United vann auðveldan sigur á West Brom 3-0 og Wigan sigraði Manchester City í miklum markaleik.

Manchester United lagði West Brom 3-0 með mörkum frá Paul Scholes, Rio Ferdinand og Ruud Van Nistelrooy. Wigan sigraði Manchester City 4-3 eftir að hafa komist í 3-1 í fyrri hálfleik. Middlesbrough tapaði öðru sinni á nokkrum dögum fyrir Blackburn á heimavelli, í þetta skiptið 2-0. Bolton þurfti að láta sér lynda markalaust jafntefli við botnlið Sunderland á útivelli og Portsmouth og West Ham skyldu jöfn 1-1.