Liverpool 2-0 yfir gegn Newcastle

Nú er kominn hálfleikur í leikjunum sex sem standa yfir í ensku úrvalsdeildinni. Liverpool hefur yfir 2-0 gegn Newcastle á Anfield. Steven Gerrard og Peter Crouch skoruðu mörk Liverpool. Manchester United hefur sömuleiðis 2-0 forystu gegn West Brom, með mörkum frá Paul Scholes og Rio Ferdinand.

Wigan hefur yfir 3-1 gegn Manchester City á heimavelli, en gestirnir komust yfir í leiknum á þriðju mínútu en síðan hefur ekki staðið steinn yfir steini í vörn þeirra. Blackburn hefur yfir gegn Middlesbrough 1-0 á útivelli og Portsmouth hefur yfir 1-0 gegn West Ham. Þá er markalaust hjá Sunderland og Bolton. Síðar í dag mætast svo Aston Villa og Everton.