Bíðið með að baula

Alex Ferguson, stjóri Manchester United, segir að áhorfendur á Old Trafford hafi fullan rétt á að láta liðið heyra það ef það stendur sig ekki á vellinum, en hefur biðlað til þeirra að baula ekki á liðið fyrr en að leik líkur, því það hafi mjög slæm áhrif á liðið ef baulað er á það á meðan á leik stendur.

Manchester United hefur mistekist að vinna sigur í 13 af 27 heimaleikjum sínum á árinu, sem Ferguson telur að megi rekja til þess að stuðningsmennirnir eru orðnir óþolinmóðir og eru byrjaðir að baula á liðið í tíma og ótíma.

"Nokkrir stuðningsmanna okkar eru svo sannarlega að láta okkur heyra hvað þeim finnst um spilamennsku okkar og það er allt í lagi mín vegna. Stuðningsmenn okkar eru kröfuharðir rétt eins og við sjálfir, en ég held því miður að baul þeirra sé búið að hafa slæm áhrif á árangur okkur á heimavelli í vetur - sem hefur verið fjarri því ásættanlegur," sagði Ferguson.