Prestsmál rædd við biskup

Matthías G. Pétursson sóknarnefndarformaður Garðasóknar hittir séra Karl Sigurbjörnsson biskup á mánudag í kjölfar úrsskurðar um tilflutning séra Hans Markúsar Hafsteinssonar í starfi. Hans Markús er í leyfi og séra Friðrik Hjartar messaði í hans stað í gær. Áður boðuðum sóknarnefndarfundi hefur verið frestað þar til næsta föstudags eða fram yfir þann frest sem séra Hans Markús hefur til þess að ákveða hvort hann tekur við embætti héraðsprests í Reykjavíkurprófastsdæmi vestra.