Bíður eftir svari frá Keane

David Moyes, knattspyrnustjóri Everton, er enn að bíða eftir því að Roy Keane svari tilboði þeirra um að koma til Liverpool og spila fótbolta fyrir Everton.

"Ég get ekkert sagt um hvað er að gerast því ég hef ekkert heyrt," sagði Moyes í gær. "Ég hef ekki viljað segja of mikið svo stuðningsmennirnir geri sér ekki of miklar vonir. Ég vil heldur ekki gera of mikið úr málinu því málið er enn opið." Þau lið sem eru hvað sterkust orðuð við Keane þessa dagana fyrir utan Everton eru Celtic og Bolton.

Sjálfur hefur Keane verið þögull sem gröfin og ekkert viljað segja um hvað hann er að hugsa.