Fischer kemur varla fyrir áramót

Það virðist útséð með að Bobby Fischer komist hingað til lands fyrir áramót því lögmaður hans hefur ekki fengið nein viðbrögð frá utanríkisráðuneytinu þar við erindi sínu fyrir jól. Þá hefur ráðuneytið ekkert samband haft við sendiráð Íslands í Tókýó að sögn Benedikts Höskuldssonar sendifulltrúa. Nú fara áramótahátíðarhöld Japana í hönd þannig að víða er ekkert unnið á morgun, eða að morgundagurinn er síðasti vinnudagur þar til um miðja næstu viku, þannig að ólíklegt er að nokkuð heyrist af málinu fyrr en í fyrsta lagi þá, að mati Benedikts.