Íbúaþing í Hafnarfirði í dag

Íbúaþing er haldið í Hafnarfirði í dag undir yfirskriftinni „Undir Gafli“. Markmið þingsins er að fá fram hugmyndir íbúa Hafnarfjarðar um málefni sveitarfélagsins, afla upplýsinga um hvað brennur helst á íbúum og nýta þær til að móta framtíðarsýn fyrir Hafnarfjörð, að því er fram kemur í frétt frá bæjarfélaginu. Þingið hófst í Íþróttahúsinu við Strandgötu klukkan 10 í morgun en þingslit verða klukkan 18. Fólki býðst að koma og fara eins og því hentar og fólk þarf ekki að tjá sig frekar en það vill.