Ævintýri líkast 15. júní 2004 00:01 Smári Jósepsson fjallar um hljómsveitina Shai Hulud Ég fagnaði gríðarlega þegar ég heyrði að Shai Hulud ætlaði að heiðra okkur Íslendinga með návist sinni á 17.júní. Það var fyrir tveimur árum að Shai Hulud varð á vegi mínum á tónlistarhátíð í Fargo í Bandaríkjunum. Félagi minn hafði lengi haft á orði hversu öflugt band væri hér á ferð en það eitt og sér hafði ekki verið nægileg sannfæring fyrir mig. Ég átti þó eftir að sannfærast svo um munaði. Tónleikar Shai Hulud voru með kraftmesta móti, orkan í sviðframkomu sveitarinnar var með ólíkindum. That Within Blood Ill-Tempered er fjórða breiðskífa Shai Hulud og heldur hljómsveitin uppteknum hætti frá fyrri verkum. Orð mega sín lítils þegar lýsa skal tónlistinni, mæli frekar með að fólk leyfi sér þessa upplifun. Sviptingarnar eru slíkar að maður stendur á öndinni. Hljómsveitin keyrir upp kraftinn milli þess að fara úr ljúfum laglínum í öflug niðurföll. Taktbreytingarnar eru einnig mjög áhugaverðar og fannst mér þær sérstaklega tilkomumiklar í laginu Whether To Cry Or Destroy. Ofan á þetta allt saman fer söngvarinn, Geert Van Der Velde, á kostum þar sem hann syngur beitta texta sem leiða hugann í margar áttir. Oft hafa aðrar hljómsveitir þreytt sams konar stíl og útkoman oftar en ekki orðið frekar grautkennd. Shai Hulud nær hins vegar að bjóða upp á breiða flóru í lagasmíðum sínum án þess að þreyta hlustandann, eitthvað sem er greinilega ekki á allra færi. Tónlist Shai Hulud er ævintýri líkast. Tónlist Mest lesið Afhjúpaði óléttuna á epískan hátt enn og aftur Tíska og hönnun Héldu upp á eins árs afmæli Heiðdísar Emblu Lífið Klækir, prettir og kardínálaklíkur í páfakjöri Gagnrýni Þau allra nettustu á Met Gala Tíska og hönnun Jóhanna og Geir trúlofuðu sig við Eiffel-turninn Lífið Handtekinn eftir að hafa keyrt niður hliðið að heimili Aniston Lífið Eitt merkilegasta verk 21. aldarinnar á Íslandi Menning Var ekki beðinn um að skrifa meira á RÚV eftir pistilinn 2022 Lífið Kaleo með tónleika á Íslandi í fyrsta sinn í áratug Tónlist Blautir búkar og pylsupartí Menning Fleiri fréttir Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Smári Jósepsson fjallar um hljómsveitina Shai Hulud Ég fagnaði gríðarlega þegar ég heyrði að Shai Hulud ætlaði að heiðra okkur Íslendinga með návist sinni á 17.júní. Það var fyrir tveimur árum að Shai Hulud varð á vegi mínum á tónlistarhátíð í Fargo í Bandaríkjunum. Félagi minn hafði lengi haft á orði hversu öflugt band væri hér á ferð en það eitt og sér hafði ekki verið nægileg sannfæring fyrir mig. Ég átti þó eftir að sannfærast svo um munaði. Tónleikar Shai Hulud voru með kraftmesta móti, orkan í sviðframkomu sveitarinnar var með ólíkindum. That Within Blood Ill-Tempered er fjórða breiðskífa Shai Hulud og heldur hljómsveitin uppteknum hætti frá fyrri verkum. Orð mega sín lítils þegar lýsa skal tónlistinni, mæli frekar með að fólk leyfi sér þessa upplifun. Sviptingarnar eru slíkar að maður stendur á öndinni. Hljómsveitin keyrir upp kraftinn milli þess að fara úr ljúfum laglínum í öflug niðurföll. Taktbreytingarnar eru einnig mjög áhugaverðar og fannst mér þær sérstaklega tilkomumiklar í laginu Whether To Cry Or Destroy. Ofan á þetta allt saman fer söngvarinn, Geert Van Der Velde, á kostum þar sem hann syngur beitta texta sem leiða hugann í margar áttir. Oft hafa aðrar hljómsveitir þreytt sams konar stíl og útkoman oftar en ekki orðið frekar grautkennd. Shai Hulud nær hins vegar að bjóða upp á breiða flóru í lagasmíðum sínum án þess að þreyta hlustandann, eitthvað sem er greinilega ekki á allra færi. Tónlist Shai Hulud er ævintýri líkast.
Tónlist Mest lesið Afhjúpaði óléttuna á epískan hátt enn og aftur Tíska og hönnun Héldu upp á eins árs afmæli Heiðdísar Emblu Lífið Klækir, prettir og kardínálaklíkur í páfakjöri Gagnrýni Þau allra nettustu á Met Gala Tíska og hönnun Jóhanna og Geir trúlofuðu sig við Eiffel-turninn Lífið Handtekinn eftir að hafa keyrt niður hliðið að heimili Aniston Lífið Eitt merkilegasta verk 21. aldarinnar á Íslandi Menning Var ekki beðinn um að skrifa meira á RÚV eftir pistilinn 2022 Lífið Kaleo með tónleika á Íslandi í fyrsta sinn í áratug Tónlist Blautir búkar og pylsupartí Menning Fleiri fréttir Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira