Viðskipti erlent

Írskur banki fær enn meiri hjálp frá ríkinu

Írska ríkisstjórnin ætlar að leggja hinum þjóðnýtta banka, Anglo Irish Bank, 8,3 milljarða evra til viðbótar við fyrri fjáraustur. Frá þessu var skýrt í dag og við það tækifæri sagði írski fjármálaráðherrann, Brian Lenihan að um skásta kostinn væri að ræða. Tveir aðrir bankar í landinu, Allied Irish Banks og Bank of Ireland ætla að reyna að laða til sín fjárfesta úr einkageiranum en ráðherrann segir ljóst að Anglo Irish verði að fá hjálp frá ríkissjóði.

Viðskipti erlent 30.3.2010 19:48

SAS tapaði 18 milljörðum á tveimur mánuðum.

SAS flugfélagið tapaði 730 milljónum danskra króna á fyrstu tveimur mánuðum árins. Það samsvarar tæpum átján milljörðum íslenskra króna.

Viðskipti erlent 30.3.2010 11:25

Sérfræðingar NASA rannsaka gallann í Toyota

Sérfræðingar á vegum geimvísindastofunarinnar NASA í Bandaríkjunum munu rannsaka galla í bensíngjöfum Toyota bifreiða.

Viðskipti erlent 30.3.2010 07:37

Ericsson með 240 milljarða viðskiptasamning við Kínverja

Kínverjar vilja að sænska símafyrirtækið Ericsson byggi upp farsímakerfið þar í landi. Samningurinn sem Ericsson er boðið hljóðar upp á 240 milljarða íslenskra króna.

Viðskipti erlent 29.3.2010 13:11

Íslensku flugfélögin nýta sér eldgosið

Íslensku flugfélögin eru þegar byrjuð að nýta sér eldgosið á Íslandi í markaðssetningu sinni. Vefurinn epn.dk segir að flugfélögin bjóði einstaka ferðaupplifun á stað þar sem 500 manns þurftu að flýja heimili sín fyrir einungis fáeinum dögum síðan.

Viðskipti erlent 29.3.2010 10:52

Starfmenn Rio Tinto dæmdir í Kína

Kínverskur dómstóll hefur dæmt fjóra starfsmenn námarisans Rio Tinto í sjö til fjórtán ára fangelsisvistar fyrir mútur og iðnaðarnjósnir. Þrír hinna dæmdu eru kínverskir borgarar en sá fjórði er Ástrali. Sá fékk sjö ára fangelsisdóm fyrir mútur og fimm ár fyrir að stela viðskiptaleyndarmálum. Hann mun þó aðeins þurfa að afplána tíu ár þar sem hann viðurkenndi sekt sína.

Viðskipti erlent 29.3.2010 10:00

Höfuðborg tölvuglæpa fundin

Tölvurannsóknarfyrirtækið Symantech hefur fundið út að uppruni 30 prósent vírus-pósta sem eru sendir út um allan heim, og gerir tölvueigendum lífið óendanlega leitt, er sendur frá Kína.

Viðskipti erlent 28.3.2010 23:45

Kínverjar kaupa Volvo

Volvo verksmiðjurnar verða seldar kínverska framleiðandanum Geely Holding. Skrifað var undir samning þess efnis í dag, eftir því sem fram kemur í sænskum og kínverskum fjölmiðlum.

Viðskipti erlent 28.3.2010 14:05

Um 1.500 viðskiptavinir vildu verða andlit Iceland

Um 1.500 viðskiptavinir Iceland lágvörukeðjunnar vildu verða andlit hennar út á við í nýrri auglýsingaherferð sem hefst síðar í ár. Búið er að velja 56 manns úr þessum hóp og í dag verður lokahópurinn valinn, að því er segir í frétt í Daily Star.

Viðskipti erlent 28.3.2010 14:00

Bono óheppinn með fjárfestingar sínar

Allar líkur eru á að Bono, söngvari U2, muni tapi gífurlegum upphæðum á fjárfestingum sínum undanfarin ár. Í aðra hönd hagnaðist Bono vel á tónlist sinni en í hina tapaði hann þessum fjármunum jafnóðum á fjárfestingum sínum.

Viðskipti erlent 28.3.2010 12:00

Launahæsti bankamaður í Evrópu fær 2,4 milljarða króna á ári

Forstjóri Credit Suisses, Brady Dougan, er hæst launaði bankamaður í Evrópu. Hann fær um það bil 2,4 milljarða íslenskra króna í laun á ári, fullyrðir breska blaðið Financial Times.

Viðskipti erlent 28.3.2010 07:00

Álverðið nokkuð stöðugt í um 2.200 dollurum

Heimsmarkaðsverð á áli hefur haldist nokkuð stöðugt í rúmlega 2.200 dollurum á tonnið allan þennan mánuð. Þetta er töluvert hærra verð en spáð hafði verið að verðið yrði að meðaltali í ár.

Viðskipti erlent 26.3.2010 14:32

Stærsta bankahneyksli í sögu Danmerkur afhjúpað

Fjármálaeftirlit Danmerkur hefur kært tvo af bönkum landsins til lögreglunnar fyrir markaðsmisnotkun af stærðargráðunni 300 milljónir danskra kr. eða tæpa 7 milljarða kr. Í frétt um málið í Jyllands Posten er þetta sagt vera stærsta bankahneyksli í sögu landsins.

Viðskipti erlent 26.3.2010 11:10

Risavaxin einkavæðing lokkar Goldman Sachs til Varsjár

Áform pólskra stjórnvalda um eignasölu og einkavæðingu ríkisfyrirtækja upp á um 10 milljarða dollara lokkar nú alþjóðlega fjárfestingabanka með Goldman Sachs í broddi fylkingar til Varsjár.

Viðskipti erlent 26.3.2010 10:42

Áætlun um aðstoð við Grikki samþykkt

AP Evruríkin sextán komu sér í gær saman um að veita Grikklandi fjárhagsaðstoð, ef önnur úrræði duga ekki. Önnur evrulönd, sem eiga í alvarlegum fjárhagsvandræðum, geta fengið aðstoð á sömu forsendum.

Viðskipti erlent 26.3.2010 00:01

Efnahagsbatinn í Noregi ekki eins góður og talið var

Komið er á daginn að efnahagsbatinn í Noregi var ekki jafn góður og leit út fyrir í upphafi þannig að Norðmenn hafa stigið á bremsuna í vaxtahækkunum.

Viðskipti erlent 25.3.2010 11:59

Nestlé í vandræðalegum slagsmálum á Facebook

Matvælarisinn Nestlé hefur hafnaði í vandræðalegum slagsmálum á Facebook eftir að Greenpeace ásakaði fyrirtækið fyrir að nota ósjálfbæra indónesíska pálmaolíu í afurðir sínar. Ásakanir Greenpeace voru aðeins upphafið að hamförum Nestlé í almannatengslum.

Viðskipti erlent 25.3.2010 10:29

Auknar efasemdir um evruna í Danmörku

Meirihluti Dana vill gerast aðili að myntbandalagi Evrópu samkvæmt niðurstöum nýrrar könnunar sem Hagstofa Danmerkur og Danske Bank gerðu í mars. Sagt er frá niðurstöðunum á danska vefnu epn.dk.

Viðskipti erlent 25.3.2010 10:02

Fleiri samningar til að koma í veg fyrir skattsvik

Norðurlöndin hafa gert upplýsingaskiptasamninga um skattamál við St.Vincent og Grenadineyjar, St. Kitts og Nevis. Samningurinn er liður í verkefni á vegum Norrænu ráðherranefndarinnar með það að markmiði að koma í veg fyrir skattaundanskot.

Viðskipti erlent 24.3.2010 14:15

Léttara andrúmsloft í stærsta hagkerfi Evrópu

Andrúmsloftið í þýska atvinnulífinu er allt að léttast samkvæmt Ifo vísitölunni sem mælir væntingar stjórnenda í 7.000 þýskum fyrirtækjum í hverjum mánuði en mælingar fyrir mars mánuði voru birtar nú í morgun.

Viðskipti erlent 24.3.2010 12:01

SFO íhugar rannsókn á viðskiptaháttum Rio Tinto

Efnahagsbrotadeild bresku lögreglunnar, Serious Fraud Office (SFO), íhugar nú að hefja rannsókn á viðskiptaháttum Rio Tinto. Kemur þetta í framhaldi af því að fjórir starfsmenn Rio Tinto í Kína hafa viðurkennt að hafa þegið mútur. Kínversk stjórnvöld eru stærsti viðskiptavinur Rio Tinto sem m.a. rekur álverið í Straumsvík.

Viðskipti erlent 24.3.2010 10:02

Evran áfram undir grískum áhrifum

Evran heldur áfram að gefa eftir og er það Grikklandskrísan eftir sem áður sem ræður mestu þar um. Evran kostar þegar þetta er ritað (11:00) 1.351 dal. Evran hefur nú lækkað um 1,9% á síðustu fjórum viðskiptadögum.

Viðskipti erlent 23.3.2010 11:51

Alcoa prófar nýja tækni til að virkja sólarorku

Alcoa, móðurfélag Fjarðaráls, og rannsóknamiðstöð orkumálaráðuneytis Bandaríkjanna um endurnýjanlega orkugjafa vinna nú að prófunum á nýrri tækni til að virkja sólarorku. Markmiðið er að lækka kostnað við gerð og rekstur sólarspegla til raforkuframleiðslu og gera þá samkeppnishæfa við aðrar leiðir til orkuframleiðslu.

Viðskipti erlent 23.3.2010 10:43

Ótti veldur því að Danir spara sem aldrei fyrr

Samanlagt á danskur almenningur um 798 milljarða danskra kr. eða vel yfir 18.000 milljarða kr. inni á reikningum í bönkum landsins. Þetta samsvarar því að hver Dani eigi 144.000 danskar kr. eða 3,3 milljónir kr. inni á bankabók sinni.

Viðskipti erlent 23.3.2010 10:32

Time Warner leggur fram 190 milljarða tilboð í MGM

Time Warner mun leggja fram tilboð upp á 1,5 milljarða dollara eða 190 milljarða kr. í kvikmyndafyrirtækið MGM í dag. Þetta hefur BusinessWeek eftir ónafngreindum heimildum. Ein verðmætasta eign MGM er rétturinn til að gera James Bond kvikmyndirnar.

Viðskipti erlent 23.3.2010 09:40

FBI og FSB unnu saman að því að uppræta bankagengi

Bandaríska alríkislögreglan FBI og rússneska leyniþjónustan FSB (áður KGB) unnu saman að því að uppræta bankagengi sem herjað hafði á breska bankann Royal Bank of Scotland (RSB). Málið er eitt stærsta sinnar tegundar hvað varðar stuld á gögnum úr bönkum.

Viðskipti erlent 23.3.2010 09:06

Google gefur kínverskum stjórnvöldum fingurinn

Leitarvélin Google hefur ákveðið að hundsa reglur kínverskra stjórnvalda um ritskoðun. Hefur netumferð Kínverja um Google nú verið flutt yfir á netþjónabú í Hong Kong en reglurnar um ritskoðunina ná ekki þangað. Þetta hefur vakið hörð viðbrögð kínverskra stjórnvalda sem að öllum líkindum munu henda Google alfarið út úr landinu.

Viðskipti erlent 23.3.2010 08:38

Fjárfestar vilja heldur lána Buffett en Obama

Alþjóðlegi skuldabréfamarkaðurinn hefur sent þau skilaboð frá sér að það sé öruggara að lána Warren Buffett heldur en Barack Obama, það er bandarískum stjórnvöldum.

Viðskipti erlent 22.3.2010 15:17

Royal Greenland kaupir verksmiðju af Icelandic Seafood

Grænlenski útgerðar og fiskvinnslurisinn Royal Greenland (RG) hefur fest kaup á kavíarverksmiðjunni Westfalia-Strentz Gmbh í Cuxhaven af Icelandic Seafood. RG hefur séð verksmiðjunni fyrir grásleppuhrognum í fjölda ára en mun nú sjálft annast allan ferilinn frá veiðum til vinnslu og sölu kavíars að því er segir á vefsíðu RG.

Viðskipti erlent 22.3.2010 12:28

Danir borga milljarða fyrir lélega fjárfestingaráðgjöf

Ný rannsókn á vegum danska fjármálaeftirlitsins sýnir að almenningur í Danmörku borgar allt að 1,3 miljarða danskra kr., eða tæplega 30 milljarða kr., á hverju ári fyrir lélega ráðgjöf um fjárfestingar í bönkum landsins.

Viðskipti erlent 22.3.2010 07:51