Viðskipti erlent

Tony og Ridley Scott vilja annast rekstur MGM

Bræðurnir Tony og Sir Ridley Scott hafa óvænt blandað sér í slaginn um kvikmyndaverið MGM sem er til sölu þessa dagana. Þeir bræður hafa lagt fyrir kröfuhafa MGM áætlun um endurskipulagningu kvikmyndaversins og hugmyndir sínar um rekstur þess.

Viðskipti erlent

Sala á nýjum bílum eykst í Bretlandi

Sala á nýjum bifreiðum í Bretlandi jókst um fjórðung í síðasta mánuði. Þetta þykir benda til þess að jafnvægi sé að komast á í hagkerfinu þar. Skráningar á nýjum bílum jukust um 26,6% og voru 397,383 bifreiðar skráðar.

Viðskipti erlent

Dýrasti skilnaður sögunnar í uppsiglingu

Dýrasti skilnaður sögunnar er nú í uppsiglingu í Bandaríkjunum. Hjónin sem hér um ræðir eru ekki bara að slást um þennan hefðbundna fjölda af húsum, snekkjum, einkaþotum og nær daglegan aðgang að hárgreiðslumeistara sínum. Örlög ástsælasta íþróttaliðs Bandaríkjanna ráðast einnig í þessum skilnaði.

Viðskipti erlent

Trichet heldur stýrivöxtum ECB í 1%

Eins og búist var við ákvað Jean-Claude Trichet seðlabankastjóri Evrópska seðlabankans (ECB) að halda stýrivöxtunum á evrusvæðinu í 1%. Með þessu vonast Trichet til þess að pústa lífi í hagkerfi svæðisins.

Viðskipti erlent

OECD: Efnahagsbatinn gengur mishratt fyrir sig

Efnahags- og framfarastofnunin OECD segir að flest bendi nú til þess að alheimshagkerfið haldi áfram á batavegi en batinn gengur þó mishratt og vel fyrir sig eftir einstökum heimshlutum og ríkjum. Enn er samt of snemmt að fagna fullum bata. Þetta kom fram í ástandsyfirliti sem stofnunin sendi frá sér í gær.

Viðskipti erlent

Gjaldþrota auðmannabanki átti aðeins 40 viðskiptavini

Hinn gjaldþrota danski auðmannabanki (rigmandsbank) Capinordic Bank átti aðeins 35 til 40 viðskiptavini í Danmörku. Nær allir þessir viðskiptavinir tilheyrðu svokölluðum milljarðamæringaklúbb landsins en meðal þeirra voru Erik Damgaard, Aldo Petersen, Peter Forchammer og Ole Vagner.

Viðskipti erlent

BA og Iberia sameinast sem International Airways

Flugfélögin British Airways (BA) og Iberia á Spáni munu sameinast fyrir árslok undir nafninu International Airways. Samningurinn um sameininguna var undrritaður í vikunni eftir töluverðar tafir sem stöfuðu af „tæknilegum orsökum" eins og það er orðað í breskum fjölmiðlum í morgun.

Viðskipti erlent

Skuldatryggingaálag Grikklands hærra en Íslands

Kostnaðurinn við það að tryggja skuldir ríkissjóðs Grikklands varð hærri í dag en kostnaðurinn við það að tryggja skuldir ríkissjóðs Íslands. Þetta er í fyrsta sinn sem það gerist síðan 2005. Reuters segir ástæðuna vera þá að efasemdir séu um að Grikkir vilji og geti fjármagnað skuldir sínar.

Viðskipti erlent

Greenspan svarar fyrir sig

Alan Greenspan, fyrrum aðalbankastjóri seðlabankans í Bandaríkjunum, mun í dag bera vitni fyrir nefnd sem rannsakar aðdraganda efnahagshrunsins í Bandaríkjunum. Búist er við því að hann viðurkenni að bankinn hafi lítið gert til þess að reyna að koma í veg fyrir ofvöxt fjármálastofnana í landinu en vöxtur þeirra er talinn hafa átt sinn þátt í því hvernig fór.

Viðskipti erlent

Botni náð á alþjóðlegum fasteignamarkaði

Fasteignaverð var hæst á Írlandi, í Slóvakíu og hér á síðasta ári, samkvæmt saman­tekt breska viðskiptablaðsins Financial Times. Verðið fór niður um 12,4 prósent á Írlandi og hafði þá lækkað um 29 prósent frá því það náði hæstu

Viðskipti erlent

Andrés Önd ryður iPad-brautina

„Andrés Önd er aðeins til á rafrænu formi á ensku. Þetta er ekki til hér og verður bylting í útgáfugeiranum,“ segir fjölmiðlamaðurinn Jón Axel Ólafsson, markaðsstjóri útgáfufélagsins Eddu, sem hefur lagt grunninn að því að gera eigendum iPad-tölva kleift að lesa Andrés-blöðin.

Viðskipti erlent

Arnold Schwarzenegger leitar að 64 þúsund milljörðum króna

Eftirlaunakerfið í Kaliforníu er komið að þrotum. Þrjá stærstu sjóði fylkisins vantar nefnilega 500 milljarða dala til þess að geta starfað eðlilega. Upphæðin samsvarar 64 þúsund milljörðum íslenskra króna. Þetta sýna útreikningar sem hópur stúdenta við Stanford háskóla hafa gert segir dagblaðið Sacramento Bee.

Viðskipti erlent

Heimsmarkaðsverð á hráolíu hækkaði í dag

Heimsmarkaðsverð á hráolíu hefur hækkað í dag og hefur ekki verið hærra síðustu 17 mánuði. Ástæðan er rakin til þess að fréttir bárust af því að atvinnuleysi í Bandaríkjunum hefði minnkað auk fleiri merkja um betri tíð í efnahagslífinu í Bandaríkjunum. Verð á hráolíu fór upp í 86,57 dali á tunnu.

Viðskipti erlent

Reykingar kosta Dani minnst 94 milljarða árlega

Reykingar kosta danskt samfélag að minnsta kosti 3,5 milljarða danskra króna árlega og 149 þúsund innlagnir á spítala. Upphæðin samsvarar 94 milljörðum íslenskra króna. Talið er að upphæðin geti farið upp í 500 milljarða íslenskra króna á ári. Jafnframt kosta reykingar Dani um 2,8 milljónir veikindadaga aukalega um árið.

Viðskipti erlent

Starfsmenn Rio Tinto ætla að áfrýja fangelsisdómum

Tveir af yfimönnum námarisans Rio Tinto í Kína hafa ákveðið að áfrýja fangelsisdómum sem þeir voru dæmdir í á dögunum. Mennirnir voru dæmdir í sjö og fjórtán ára fangelsi fyrir mútur og iðnaðarnjósnir. Þriðji starfsmaðurinn, hinn ástralski Stern Hu, er einnig sagður íhuga áfrýjun.

Viðskipti erlent

Malkovich tapaði stórfé á Bernie Maddoff

Bandaríski stórleikarinn John Malkovich er einn þeirra fjölmörgu sem fóru illa út úr viðskiptum við svindlarann Bernie Maddoff sem í fyrra var dæmdur í 150 ára fangelsi fyrir svik sín. Malkovich fékk 670 þúsund dollara á dögunum úr þrotabúi Maddofs en hann er ekki sáttur við þau málalok og hefur áfrýjað ákvörðun skiptastjórans. Hann segist eiga rétt á mun meiru, eða um 2,3 milljónum dollara.

Viðskipti erlent

Kröfuhafarnir finna ekki Halabi

Kröfuhafar leita nú dyrum og dyngjum að sýrlenska fasteignamógúlnum Simon Halabi en hann varð gjaldþrota í vikunni. Halabi hafði byggt upp gríðarstórt fasteignaveldi í London á síðustu árum en hann mætti ekki fyrir dómara þegar hann var úrskurðaður gjaldþrota. Gjaldþrotið er vegna láns sem Halabi tók hjá Kaupthing Singer & Friedlander að uppjæð 56,3 milljónir punda. Lánið tók Halabi til þess að kaupa líkamsræktarstöðvakeðjuna Esporta árið 2007.

Viðskipti erlent

Obama telur að það versta sé afstaðið

Um 162 þúsund störf sköpuðust í einkageiranum í Bandaríkjunum í marsmánuði. Barack Obama, forseti Bandaríkjanna, segir að tölurnar bendi til þess að Bandaríkjamenn séu á leiðinni út úr kreppunni og komnir í gegnum mesta brimskaflinn.

Viðskipti erlent

Atvinnuleysi fór í 10%

Atvinnuleysi á evrusvæðinu fór upp í 10% í febrúar. Þetta er í fyrsta sinn sem atvinnuleysi á svæðinu nær tveggja stafa tölu frá því að evran var tekin í notkun. Samkvæmt tölum frá Hagstofu Evrópusambandsins er mikill munur á milli þeirra sextán þjóða sem aðild eiga að myntbandalaginu. Til dæmis er 19% atvinnuleysi á Spáni en í Hollandi er atvinnuleysið einungis 4%.

Viðskipti erlent

Superman seldist á 190 milljónir króna

Superman er orðinn verðmætasta teiknimyndasöguhetja í heimi. Teiknimyndahefti um ofurhetjuna seldist á því sem nemur um 190 milljónum króna á uppboði á vefnum ComicConnect fyrir skemmstu. Þar með skaut Superman Leðurblökumanninum ref fyrir rass en teiknimyndahefti um hann seldist á tæpar 130 milljónir króna fyrir hálfum mánuði síðan. Umrætt teiknimyndahefti um Superman kom út árið 1938.

Viðskipti erlent

Fyrrum hluthafar fá ekki neitt

Fyrrum hluthafar í breska Northern Rock bankanum, sem var þjóðnýttur í febrúar árið 2008, munu engar bætur fá vegna þess hlutafjár sem glataðist þegar bankinn fór í þrot. Óháður aðili sem var fenginn til að meta starfsemi bankans skilaði skýrslu í gær. Hann komst að þeirri niðurstöðu að hlutabréf úr bankanum væru verðlaus. Breska ríkið, núverandi eigandi bankans, bæri ekki að greiða hlutabréfaeigendum eitt einasta pund.

Viðskipti erlent

Mest lesið