Innherjamolar
Fær 19 milljörðum meira í arð frá Landsbankanum en var áætlað í fjárlögum
Ákvörðun bankaráðs Landsbankans að leggja til sérstaka arðgreiðslu þýðir að ríkissjóður mun fá í sinn hlut samtals tæplega 35 milljarða frá bankanum, sem er nærri tuttugu milljörðum hærri fjárhæð en var gert ráð fyrir í forsendum fjárlaga fyrir þetta ár.
Fjárfestar hófu árið með því að selja áfram í hlutabréfasjóðum
Þrátt fyrir að fyrsti mánuður ársins hafi farið vel af stað á hlutabréfamarkaði þá héldu fjárfestar uppteknum hætti og seldu sig út úr innlendum hlutabréfasjóðum. Á sama tíma hélt hins vegar fjármagn áfram að streyma í skuldabréfasjóði fyrir milljarða króna.
Oaktree seldi meira en helminginn af stöðu sjóðsins í Alvotech í lok ársins
Vogunarsjóðurinn Oaktree Capital, sem eignaðist stóran hlut í Alvotech í aðdraganda skráningar á markað fyrir fjórum árum, var umsvifamestur á söluhliðinni með bréf félagsins á síðustu mánuðum ársins 2025 þegar hann losaði um meginþorra af eftirstandandi eignarhlutar. Eftir að hafa rétt aðeins úr kútnum á fyrstu vikum ársins hefur hlutabréfaverð Alvotech fallið um fjórðung á skömmum tíma.
Amaroq ætlar að færa sig yfir á Aðalmarkaðinn í London síðar á árinu
Amaroq hefur ráðið alþjóðlega fjárfestingabankann Citigroup til að undirbúa skráningu á Aðalmarkað Kauphallarinnar í London síðar á árinu í því skyni að auðvelda félaginu að fá fjármögnun frá stórum erlendum stofnanafjárfestum og vísitölusjóðum. Aðalmarkaðurinn í London hýsir í dag flest af helstu námufyrirtækjum heimsins.
Horfa til þess að fá Tómas nýjan inn í stjórn Arion
Stokka þarf lítillega upp í stjórn Arion á komandi aðalfundi eftir stutt stopp hjá norskum stjórnarmanni og er tilnefningarnefnd bankans sögð horfa til þess að mæla með kjöri Tómasar Más Sigurðssonar, forstjóra HS Orku.
Afkoma Arion á pari við spár þrátt fyrir óvenjumikla virðisrýrnun lána
Kjarnatekjur Arion á fjórða ársfjórðungi, sem voru að mestu á pari við væntingar, héldu áfram að aukast og var arðsemi bankans fyrir árið í heild sinni talsvert yfir markmiði stjórnenda. Óreglulegir liðir lituðu uppgjörið að hluta en bankinn bókfærði meðal annars umtalsvert meiri virðisrýrnun á lánsafnið sitt en búist var við.
Arðsemin talsvert undir markmiði eftir „slakar“ þóknanatekjur á fjórðungnum
Hagnaður Kviku á síðasta fjórðungi 2025 skrapp nokkuð saman á milli ára, meðal annars vegna dræmra þóknanatekna, og var arðsemi bankans fyrir árið í heild sinni talsvert frá markmiði. Viðbrögð greinenda við uppgjörinu voru ólík en góður gangur var í vaxtatekjum og bankinn gæti greitt umtalsverða sérstaka arðgreiðslu til hluthafa síðar á árinu.
Nýtt og lægra jafnvægi í vanskilum fólks og fyrirtækja að festast í sessi
Þrátt fyrir þráláta verðbólgu og hátt raunvaxtastig voru vanskil fyrirtækja og heimila í lágmarki á liðnu ári, samkvæmt gögnum frá innheimtufyrirtæki, og svo virðist sem nýtt og lægra jafnvægi í vanskilahlutföllum sé að festast í sessi en þekktist á árunum fyrir heimsfaraldur.
Sjóðastýringarisinn heldur áfram að minnka hlut sinn í Íslandsbanka
Stærsti erlendi fjárfestirinn í Íslandsbanka hefur á fáeinum vikum minnkað eignarhlut sinn um liðlega fimmtung, en milljarða salan hjá sjóðastýringarfélaginu kemur samhliða umfangsmiklum endurkaupum á eigin bréfum sem hafa staðið yfir hjá bankanum.
Horfur í rekstri Eimskips „krefjandi“ og verðmat á félaginu lækkar lítillega
Eimskip er nokkuð undirverðlagt á markaði samkvæmt nýrri hlutabréfagreiningu en félagið hefur þurft að ráðast í hagfræðingaraðgerðir til að mæta samdrætti og erfiðu ytra rekstrarumhverfi. Hlutabréfaverð Eimskips hefur fallið skarpt að undanförnu og ekki verið lægra frá því í árslok 2020.
Vænta þess að tekjur Alvotech af vörusölu tvöfaldist frá fyrri fjórðungi
Útlit er fyrir að umtalsverður tekjuvöxtur hafi verið hjá Alvotech á síðasta ársfjórðungi, drifinn áfram aukinni vörusölu, sem ætti að þýða að heildartekjur ársins 2025 verði við efri mörk útgefinnar afkomuspár.
Viðsnúningur undir lok ársins þegar fjármagn streymdi í hlutabréfasjóði
Fjárfestar bættu talsvert við stöðu sína í innlendum hlutabréfasjóði undir lok síðasta árs sem þýddi að hreint flæði fyrir árið í heild sinni var rétt fyrir ofan núllið. Á undanförnum fjórum árum hafa fjárfestar hins vegar almennt sýnt hlutabréfasjóðum lítinn áhuga og beint fjármagni sínu fremur í áhættuminni eignir.
Eik klárar sölu á einu lengsta skuldabréfi sem skráð félag hefur gefið út
Fasteignafélagið Eik lauk í gær útboði á nýjum verðtryggðum skuldabréfaflokki til fjörutíu ára, sem er á lokagjalddaga í febrúar árið 2066, en fá dæmi eru um að skráð félög hafi gefið út bréf með svo löngum líftíma á innlendum markaði.
Hækka verðmatið um fjórðung og mæla núna með kaupum í Högum
Virðismat á Haga hefur verið hækkað umtalsvert eftir sterkt uppgjör smásölurisans, meðal annars vegnar lækkunar á áhættuálagi og væntinga um betri afkomu, samkvæmt nýrri greiningu.
Íbúðalán bankanna skruppu verulega saman og ekki verið minni um langt árabil
Aukin samkeppni frá lífeyrissjóðunum á fasteignalánamarkaði og þrengri skilyrði fyrir verðtryggðum lánum átti meðal annars þátt í því að hrein ný íbúðalán viðskiptabankanna drógust saman um tugi prósenta í fyrra og hafa ekki verið minni að umfangi í meira en áratug.
Hrund kemur ný inn í stjórn Dranga
Á nýafstöðnum hluthafafundi Dranga, nýtt félag á smásölumarkaði og er eigandi að Orkunni, Samkaupum og Lyfjaval, var Hrund Rudolfsdóttir kjörin í stjórn en hún var áður forstjóri Veritas og er stjórnarmaður í nokkrum skráðum fyrirtækjum.
Kaldbakur og KEA koma á fót nýjum framtakssjóði
Norðlensku fjárfestingafélögin Kaldbakur og KEA hafa gert með sér samkomulag um stofnun nýs framtakssjóðs sem á að fjárfesta í innlendum nýsköpunar- og vaxtarfyrirtækjum.
Markaðsvirði Amaroq rauk upp og rauf hundrað milljarða múrinn
Markaðsvirði Amaroq rauf hundrað milljarða króna múrinn í gær þegar gengi bréfa Amaroq hækkaði skarpt, einkum eftir að markaðurinn opnaði í Kanada.
Taívanskt félag kaupir FlyOver fyrir um tíu milljarða
Taívanskt félag hefur gengið frá samkomulagi um að kaupa FlyOver Attractions, meðal annars reksturinn hér á Íslandi, fyrir samtals jafnvirði um tíu milljarða króna.
Stóru sjóðirnir stækka við stöðuna eftir fyrirtækjakaup Símans
Tveir af stærstu lífeyrissjóðum landsins hafa verið að bæta enn frekar við eignarhlut sinn í Símanum í þessum mánuði, skömmu eftir umfangsmikil fyrirtækjakaup, en hlutabréfaverð félagsins hefur verið á siglingu að undanförnu.
Spyr hvaðan á peningurinn eigi að koma til að greiða hærri auðlindaskatta
Í annað sinn á skömmum tíma er verðmat á Kaldvík lækkað talsvert, meðal annars vegna ytri áfalla og mun minni framleiðslu í ár en áður var búist við, enda þótt félagið sé enn sagt vera undirverðlagt á markaði. Í nýrri greiningu segir að miðað við rekstrarafkomuna sé erfitt að sjá hvaðan peningurinn eigi að koma til að standa undir boðaðri hækkun á auðlindaskatti.
Þrjú þúsund milljarða skuggabankamarkaður
Árleg skýrsla Seðlabankans um gjaldeyrismarkaðinn og gengisþróun er jafnan fróðleg lesning. Í þeirri nýjustu, sem birtist í liðinni viku, er meðal annars að finna þær upplýsingar að umfang gjaldeyrispörunar innan stóru viðskiptabankanna – sem sumir hafa kallað stærstu skuggabankastarfsemi landsins – hafi í fyrra numið samtals um þrjú þúsund milljörðum króna. Hefur sá markaður verið í nokkuð stöðugu ástandi á þeim slóðum undanfarin ár.
Hækkar hagvaxtarspána en varar við hættu á leiðréttingu vegna gervigreindar
Hagvöxtur á heimsvísu er talinn haldast nokkuð stöðugur og nema 3,3 prósentum árið 2026, samkvæmt nýrri spá Alþjóðagjaldeyrissjóðsins, lítillega hærra en áður var talið. Aðalhagfræðingur sjóðsins varar við hættu á leiðréttingu ef miklar fjárfestingar í gervigreind skila sér ekki í meiri arðsemi og framleiðni.
Nýskráningum fjölgaði á hlutabréfamarkaði Norðurlandanna í fyrra
Á meðan það kom ekkert félag nýtt inn í Kauphöllina hér á landi á liðnu ári þá var samt heilt yfir fjölgun í nýskráningum á markaði í Norðurlöndunum og sem fyrr var sú þróun drifin áfram af góðum gangi í Svíþjóð.
Búast við enn betri rekstrarafkomu og hækka verðmatið á Amaroq
Amaroq fer inn í nýtt ár í sterkri stöðu eftir að hafa náð markmiðum sínum um gullframleiðslu og birt borniðurstöður í Nanoq-verkefninu sem voru umfram væntingar, að sögn erlendra greinenda, og útlit er fyrir að afkoma félagsins verði betri en áður var spáð. Af þeim sökum hefur verðmat á félaginu verið hækkað um fjórðung.
Styrkás stefnir að skráningu um vorið 2027 og er núna metið á 30 milljarða
Stjórn Styrkás, leiðandi þjónustufyrirtæki á fyrirtækjamarkaði með árlega veltu upp á liðlega sjötíu milljarða, hefur tekið ákvörðun um að hefja formlega undirbúning að skráningu félagsins í Kauphöllina og er markmiðið að hún fari fram á öðrum fjórðungi næsta árs.
Gaf grænt ljós á alla samruna í fyrra eftir uppstokkun á stjórn eftirlitsins
Samkeppniseftirlitið í Bretlandi samþykkti alla samruna sem komu til skoðunar á liðnu ári, sem er í fyrsta sinn sem slíkt gerist í árabil, en eftirlitið hefur verið undir pólitískum þrýstingi að vinna í samræmi við stefnu stjórnvalda um að ýta undir hagvöxt og aukna samkeppnishæfni atvinnulífsins.
Hækka verðmatið á Brim sem er samt talsvert undir markaðsgengi
Mikill viðsnúningur í afkomu Brims á þriðja ársfjórðungi í fyrra, einkum vegna frábærrar makrílvertíðar og hækkunar á verði sjávarafurða, hefur leitt til þess að sumir greinendur hafa hækkað verðmat sitt á sjávarútvegsfélaginu enda þótt það sé enn nokkuð undir núverandi markaðsgengi.
Ríkisbréfakaup erlendra sjóða minnkuðu um tugi milljarða á sveiflukenndu ári
Þrátt fyrir talsvert innflæði á síðustu mánuðum ársins þá reyndist samanlögð hrein fjárfesting erlendra sjóða í ríkisskuldabréfum aðeins um þriðjungur af því sem hún var árið áður.
Fjárfestar halda áfram að færa sig yfir í skuldabréfasjóði
Talsvert var um innlausnir fjárfesta úr bæði hlutabréfasjóðum og blönduðum sjóðum í nóvember á sama tíma og hreint innflæði í skuldabréfasjóði jókst um milljarða.
