Sigur í fyrsta leik Conte | Sjáðu mörkin

Antonio Conte byrjar stjóraferil sinn hjá Chelsea vel en liðið bar sigurorð af West Ham United, 2-1, í lokaleik 1. umferðar ensku úrvalsdeildarinnar í kvöld.

Diego Costa skoraði sigurmark Chelsea með góðu skoti fyrir utan teig þegar mínúta var eftir af leiknum.

Staðan var markalaus í hálfleik en Eden Hazard kom Chelsea yfir á 47. mínútu þegar hann skoraði af öryggi úr vítaspyrnu sem César Azpilicueta náði í.

Lærisveinar Slavens Bilic gáfust ekki upp og miðvörðurinn James Collins jafnaði metin á 77. mínútu.

En Costa sá til þess að tæki stigin þrjú þegar hann skoraði sigurmarkið á 89. mínútu.