Stj.mál

Skilur eftir sig stórt skarð

"Þetta eru heilmikil tímamót og ég óska Davíð Oddssyni og hans fjölskyldu alls góðs og fyrst og síðast góðrar heilsu og langra lífdaga," segir Steingrímur J. Sigfússon, formaður Vinstri grænna.

Innlent 14.10.2005 06:41

Fundað um vaxta- og gengismál

Fundur efnahags- og viðskiptanefndar Alþingis um vaxta- og gengismál hófst klukkan hálfníu í morgun. Nú rétt fyrir fréttir stóð fundurinn enn yfir.

Innlent 14.10.2005 06:40

Talaði mál sem fólk hafi skilið

Baldur Þórhallsson, dósent í stjórnmálafræði við Háskóla Íslans, segir styrkleika Davíðs Oddssonar sem stjórnmálamanns hafa verið að hann hafi talað mál sem fólk hafi skilið, hann hafi verið beinskeyttur og harður við andstæðinga sína og náð til fólks á þann hátt. Hann hafi skotið fast þegar hann hafi verið gagnrýndur, og oft skotið í mark, sem skýri það kannski hversu lengi hann hafi verið við völd.

Innlent 14.10.2005 06:41

Dreifi gulli rétt fyrir kosningar

Ingibjörg Sólrún Gísladóttir, formaður Samfylkingarinnar, segir að ríkisstjórnin sé að dreifa gullinu rétt fyrir sveitarstjórnarkosningar, með ákvörðun sinni um hvernig söluandvirði Símans skuli varið.

Innlent 14.10.2005 06:40

Hefði viljað hafa Davíð áfram

Halldór Ásgrímsson, forsætisráðherra, hefði frekar kosið að hafa Davíð Oddsson áfram í ríkisstjórn. Hann segir að stjórnin sé veikari eftir - fyrst um sinn.

Innlent 14.10.2005 06:41

Klukka gengur á fleiri en skákmenn

Að loknum sameiginlegum miðstjórnar- og þingflokksfundi Sjálfstæðisflokksins í gær tilkynnti Davíð Oddsson þá ákvörðun sína að bjóða sig ekki fram til áframhaldandi formennsku í Sjálfstæðisflokknum á landsfundi flokksins í næsta mánuði. Jafnframt lætur Davíð af embætti utanríkisráðherra á ríkisráðsfundi 27. september næstkomandi.

Innlent 14.10.2005 06:41

Hvatapeningar handa börnum

Bæjarstjórn Garðabæjar hefur samþykkt að úthluta hverju barni á aldrinum 6-16 ára hvatapeningum sem nota á til að greiða niður félagsgjöld í íþrótta- og æskulýðsstarfi. Fyrir þetta ár verður upphæðin 10 þúsund krónur á barn, en 20 þúsund á árinu 2006.

Innlent 13.10.2005 19:47

Vísað til Framkvæmdaráðs

Kjartan Magnússon kynnti í borgarstjórn í gær tillögu að því að taka upp gjaldfrí bílastæði með tímatakmörkunum, líkt og gert hefur verið á Akureyri. Steinunn Valdís Óskarsdóttir lagði fram breytingartillögu, sem var samþykkt, um að vísa hugmyndinni til Framkvæmdaráðs, sem myndi skoða slíkt kerfi í samráði við hagsmunaaðila. 

Innlent 13.10.2005 19:47

Innri leið verður fyrir valinu

Steinunn Valdís Óskarsdóttir sagði í borgarstjórn í gær að farin verði innri leið Sundabrautar fyrir þá átta milljarðar sem ríkið hefur ákveðið að veita til framkvæmdanna. Vilhjálmur Þ. Vilhjálmsson segir að úthlutað hefði verið til mislægra gatnamóta Miklubrautar og Kringlumýrarbrautar, ef Reykjavíkurlistinn hefði ekki hafnað slíkum hugmyndum.

Innlent 13.10.2005 19:47

Ríkið brátt skuldlaust við útlönd

Skipti ehf. greiddi íslenska ríkinu 66,7 milljarða króna síðdegis í gær fyrir Landssíma Íslands. Þar af greiddi félagið rúma 32 milljarða króna í erlendri mynt og verður þeim hluta greiðslunnar varið strax til þess að greiða niður erlendar skuldir ríkissjóðs.

Innlent 13.10.2005 19:47

Vilja kosningu um álver

Kynningarfundur bæjaryfirvalda í Hafnarfirði um deiliskipulag vegna stækkunar álversins í Straumsvík fór fram í gærkvöldi að viðstöddu fjölmenni. Oddviti Vinstri - grænna segir framgöngu forsvarsmanna álversins á fundinum misbjóða bæjarbúum.

Innlent 13.10.2005 19:47

18 milljarðar í hátæknisjúkrahús

Fyrirtækið Skipti ehf. greiddi íslenska ríkinu tæpa 67 milljarða króna í gær fyrir Landssíma Íslands hf., en þar með lauk umfangsmestu einkavæðingu í sögu þjóðarinnar.

Innlent 13.10.2005 19:47

Efast um áhuga sveitarfélaga

Tillaga Ólafs F. Magnússonar, borgafulltrúi Frjálslyndra, um að Borgarstjórn Reykjavíkur samþykki að fela Reykjavíkurborg að leita eftir viðræðum við önnur sveitarfélög á höfuðborgarsvæðinu um sameiningu sveitarfélaganna var ekki samþykkt í gær. Þess í stað var bókun Steinunnar Valdísar Óskarsdóttur borgarstjóra samþykkt um að tillagan verði kynnt fyrir stjórn Samtaka sveitarfélaga á höfuðborgarsvæðinu.  

Innlent 13.10.2005 19:47

Davíð gefur engar yfirlýsingar

Davíð Oddsson, formaður Sjálfstæðisflokksins, kvaðst fyrir fund í fulltrúaráði sjálfstæðisfélaganna í kvöld ekki ætla að gefa neinar yfirlýsingar á fundinum um framboð til formanns á landsfundi flokksins í næsta mánuði.

Innlent 14.10.2005 06:40

Vilja svör um öryggisráðið

Þetta mál er ekki búið að gera upp endanlega og því stendur umsóknin enn. Við vinnum enn í málinu," segir Davíð Oddsson utanríkisráðherra um aðildarumsókn Íslands að öryggisráði Sameinuðu þjóðanna.

Innlent 14.10.2005 06:40

Verkamannaflokkurinn tapar fylgi

Norski Verkamannaflokkurinn, undir forystu Jens Stoltenberg, tapar örlitlu fylgi í nýrri skoðanakönnun norska dagblaðsins og ríkisútvarpsins NRK, en um þriðjungur Norðmanna segist ætla að kjósa flokkinn í þingkosningunum sem fram fara í Noregi 12. september næstkomandi.

Erlent 14.10.2005 06:40

Engin yfirlýsing frá Davíð

Davíð Oddsson, formaður Sjálfstæðisflokkinns, gaf engar yfirlýsingar um framtíð sína í stjórnmálum þegar hann ávarpaði fjölmennan fund Varðar - fulltrúaráðs sjálfstæðisfélaganna í Reykjavík í gær.

Innlent 14.10.2005 06:40

Leggur fram sameiningartillögu

Ólafur F. Magnússon, borgarfulltrúi F-lista, mun á fundi borgarstjórnar á morgun leggja fram tillögu um að Reykjavíkurborg verði falið að leita eftir viðræðum við önnur sveitarfélög á höfuðborgarsvæðisins um sameiningu.

Innlent 14.10.2005 06:40

Harðar deilur í sjónvarpskappræðum

Hart var deilt þegar Angela Merkel, kanslaraefni Kristilega demókrataflokksins í Þýskalandi, og Gerhard Schröder, kanslari Þýskalands, hittust í 90 mínútna löngum sjónvarpskappræðum í gærkvöld.

Innlent 14.10.2005 06:40

Nýr forseti hæstaréttar í BNA

George Bush, forseti Bandaríkjanna, tilnefndi í dag John Roberts sem forseta hæstaréttar Bandaríkjanna í stað Williams H. Rehnquists, sem lést síðastliðinn laugardag. Skýrði Bush frá tilefningunni í Hvíta húsinu áður en hann fór til hamfarasvæðanna í Mississippi og Louisiana og hvatti Bandaríkjaþing til að staðfesta tilnefninguna fljótt og vel en réttarhléi lýkur 3. október.

Erlent 14.10.2005 06:40

Hefur ekki lokið BA-prófi

Gísli Marteinn Baldursson, sem sækist eftir að verða borgarstjóraefni Sjálfstæðisflokksins, er ekki með BA próf í stjórnmálafræði, eins og hann heldur fram í bókinni Samtíðarmenn. Gísli Marteinn segir þetta eiga sér eðlilegar skýringar.

Innlent 14.10.2005 06:40

Fagnar vilja fjölskyldunefndar

Stefán Jón Hafstein, formaður menntasviðs Reykjavíkurborgar, fagnar því að fjölskyldunefnd ríkisstjórnarinnar skuli vilja skoða hag barnafólks frá því að fæðingarorlof lýkur við níu mánaða aldur þar til börnin fái pláss á leikskóla við átján mánaða aldur.

Innlent 14.10.2005 06:40

Sjálfstæðisflokkurinn fær stuðning

"Í fyrra var sjálfseignarfélagsformið málamiðlun milli stjórnarflokkanna en margir sjálfstæðismenn vildu þá hlutafélagsformið. Nú lítur út fyrir að Evrópusambandið hafi gengið í lið með Sjálfstæðisflokknum," segir Mörður Árnason, þingmaður Samfylkingarinnar.

Innlent 14.10.2005 06:40

Þjónustumiðstöð opnuð í borginni

Reykvíkingar eiga að fá tækifæri til að hafa meiri áhrif á mótun og uppbyggingu borgarinnar með nýjum þjónustumiðstöðvum. Sú fyrsta var opnuð í dag, við Skúlagötu, en meginverkefni hennar er að veita upplýsingar um þjónustu í borginni, afgreiða umsóknir, veita félagslega ráðgjöf, skóla- og sérfræðiþjónustu og stuðning á heimilum.

Innlent 13.10.2005 19:46

Vill greiðslur til að brúa bil

Björn Ingi Hrafnsson, formaður fjölskyldunefndar ríkisstjórnarinnar, vill láta greiða foreldrum barna á aldrinum níu til átján mánaða svo að þau geti til dæmis og ef þeir kjósa greitt öfum og ömmum laun fyrir að passa börnin.

Innlent 13.10.2005 19:46

Gísli Marteinn starfar fyrir RÚV

"Ég er að störfum fyrir Ríkisútvarpið í ýmsum sérverkefnum. Þar á meðal er ég að vinna að undirbúningi fyrir afmælishátíð Ríkissjónvarpsins vegna fjörutíu ára afmælis þess auk þess að ýmsum málum vegna sjónvarpdagskrár vetrarins og þar á meðal evróvisíón keppninnar," segir Gísli Marteinn Baldursson.

Innlent 13.10.2005 19:46

Samúðarskeyti til BNA og Íraks

Halldór Ásgrímsson forsætisráðherra hefur sent George Bush Bandaríkjaforseta samúðarskeyti fyrir hönd ríkisstjórnarinnar vegna manntjónsins sem orðið hefur í Bandaríkjunum vegna fellibylsins Katrínar á síðustu dögum. Þá hefur hann einnig sent Ibrahim al-Jafari, forsætisráðherra Íraks, samúðarskeyti vegna harmleiksins fyrr í vikunni þegar tæplega þúsund Írakar létu lífið í Kazamiyah-hverfinu í Bagdad.

Innlent 14.10.2005 06:40

Ragnar Sær sækist eftir 5. sætinu

Ragnar Sær Ragnarsson, sveitarstjóri Bláskógabyggðar, hefur ákveðið að gefa kost á sér í fimmta sæti í prófkjöri Sjálfstæðisflokksins vegna borgarstjórnarkosninganna næsta vor, en prófkjörið fer fram í byrjun nóvember næstkomandi. Ragnar Sær hefur undanfarin sjö ár starfað sem sveitarstjóri, fyrst í Biskupstungnahreppi og síðan í Bláskógabyggð.

Innlent 14.10.2005 06:40

43 prósent hlynnt aðild að ESB

Litlar breytingar virðast hafa orðið á afstöðu Íslendinga til aðildar að Evrópusambandinu eftir að Frakkar og Hollendingar höfnuðu stjórnarskrá sambandsins. Þetta leiðir ný könnun sem IMG Gallup gerði fyrir Samtök iðnaðarins í ljós. 43 prósent svarenda í könnuninni reyndust hlynnt Evrópusambandsaðild en 37 prósent andvíg henni.

Innlent 14.10.2005 06:40

Ný stefna í flugvallarmáli

Ekki er nema hálft ár frá því að Steinunn Valdís Óskarsdóttir borgarstjóri boðaði að Reykjavíkurflugvöllur yrði áfram í Vatnsmýri en í smækkaðri mynd. Nú hefur flugvallarmálið tekið algerlega nýja stefnu.

Innlent 14.10.2005 06:40