Stones sagður hafa náð sam­komu­lagi við Inter

Stones lék með City í áratug og vann allt sem hægt er að vinna með liðinu. Hann er nú í leit að nýju liði eftir að samningur hans við City rann út og ekki vantar áhugann á þessum 32 ára miðverði.

Hann hefur meðal annars verið orðaður við Arsenal, Chelsea og Juventus en samkvæmt Sky á Ítalíu hefur hann náð munnlegu samkomulagi við Inter.

Talið er að Stones muni skrifa undir tveggja ára samning við Inter sem vann ítölsku úrvalsdeildina með talsverðum yfirburðum á síðasta tímabili.

Eftir að hafa spilað lítið í vetur var Stones í stóru hlutverki hjá enska landsliðinu á heimsmeistaramótinu sem lauk um þarsíðustu helgi. England vann þar til bronsverðlauna.