Læri­sveinar Sigga Ragga á­fram eftir víti í uppbótartíma

Sigurður Ragnar Eyjólfsson hefur verið að gera góða hluti með liðið í færeysku deildinni og nú er liðið farið að upplifa Evrópuævintýri líka.

NSÍ vann Hamrun Spartans 2-1 á Möltu í kvöld en fyrri leikurinn endaði með 1-1 jafntefli í Færeyjum.

Michal Przybylski kom NSÍ í 1-0 á 43. mínútu en Ante Coric jafnaði metin á 53. mínútu.

Það stefndi í framlengingu þegar færeyska félagið fékk víti í uppbótartíma.

Petur Knudsen skoraði úr því á fjórðu mínútu uppbótartímans og tryggði sínu liði sæti í næstu umferð.

NSÍ mætir Koper frá Slóveníu í næstu umferð en Koper sat hjá í fyrstu umferðinni.