Jón Dagur lagði upp í tapi gegn ný­liðunum

Gengið hefur verið upp og niður hjá Brann í upphafi tímabils og tapið í dag sýnir veikleikamerki hjá liðinu. Fram að þessum leik hafði Brann ekki tapað fyrir Aalesund í heil fimmtán ár. 

Því miður fyrir Jón Dag Þorsteinsson þá varð það niðurstaðan en hann gaf góða stoðsendingu á Noah Helm sem skallaði inn jöfnunarmarkið í seinni hálfleik.

Henrik Melland átti þá eftir að setja sigurmarkið fyrir Aalesund í uppbótartíma leiksins. Sigur heimamanna var verðskuldaður enda höfðu þeir verið hættulegri í seinni hálfleik. 

Ólafur Guðmundsson var í byrjunarliði Aalesund og kláraði leikinn þrátt fyrir að hafa orðið fyrir meiðslum. Ólafur spilaði korter í viðbót eftir höggið og eftir leik þurfti að sauma sex spor í hælinn. 

Davíð Snær Jóhannson kom inn af varamannabekk Aalesund. 

Thore Pedersen bættist við meiðslalistann hjá Brann, sem er orðinn nokkuð langur. Pedersen sneri illa upp á höndina í leiknum og óttast er að hann sé handleggsbrotinn. 

Á sama tíma stóð Júlíus Mar Júlíusson vaktina í vörn Kristianstad í 2-1 sigri gegn Lilleström. Hrannar Snær Magnússon kom inn af varamannabekknum á 79. mínútu.