Rapparar slíðruðu sverðin á galaforsýningu

Magnús Jochum Pálsson skrifar 12. mars 2026 12:15

Margt var um manninn á galaforsýningu Undir íssins. Róbert Arnar

Galaforsýning nýju íslensku spennumyndinnarinnar Undir ísnum fór fram í Smárabíói í gær. Margt var um manninn, tveir salir fylltir af fólki og komust færri að en vildu.

Undir ísnum er fyrsta kvikmyndin sem er framleidd af tónlistarhópnum Tónhyl og kemur í Sambíóin, Smárabíó og Laugarásbíó í kvöld, 12. mars.

Myndin fylgir vinahópi sem tekur að sér dularfullt verkefni á Suðurskautinu þar sem þeir eiga að ná í verðmætan demant úr yfirgefinni sovéskri námu. Þegar þeir kafa dýpra undir ísinn kemur fljótt í ljós að eitthvað annað og miklu hættulegra leynist þar niðri.

Leikstjóri myndarinnar er tónskáldið Kristján Sturla Bjarnason sem hefur stýrt tónlistarklasanum Tónhyl undanfarin ár. Í aðalhlutverkum eru sjálfir Tónhyls-strákarnir: Egill Airi Daníelsson, Helgi Trausti Stefánsson, Kristján Ómarsson Saenz, Lindi Banushi, Maron Birnir Reynisson, Stefán Logi Hermannsson, Theodór Gísli Sigurgeirsson, Tryggvi Þór Torfason, Ísak Örn Friðriksson, Ívar Páll Arnarsson ásamt reynsluboltunum Vivian Ólafsdóttur og Þór Tuliníus.

Ljósmyndarinn Hulda Margrét Ólafsdóttir fangaði stemminguna á forsýningunni en fjöldi þekktra nafna á borð við Hannes Þór Halldórsson, Herbert Guðmundsson, Eyþór Wöhler og Jóhann Kristófer lét sjá sig.

Stofnendur Tónhyls: Brynjar, Guðfinna og Kristján Sturla.Róbert Arnar

FM-gengið: Jóna Margrét, Guðjón Smári og Andri Björns.Róbert Arnar

Hannes Þór Halldórsson og Fannar Sveinsson mættu með hressa krakka.Róbert Arnar

Kristján Sainz, Helgi T og Elvar.Róbert Arnar

Embla Óðins með góðum vinkonum.Róbert Arnar

Kærustuparið Helgi T og Alísa Svansdóttir.Róbert Arnar

Kristján Sturla og Kristján Sainz.Róbert Arnar

Helgi T greip í spaðann á ungum aðdáanda.Róbert Arnar

Rapparinn Huginn með tveimur góðum fellum.Róbert Arnar

Þessi er með breska einkaskólaswag-ið á lási.Róbert Arnar

Bíó og sjónvarp Samkvæmislífið

Tengdar fréttir

Ungir hjartaknúsarar mæta á hvíta tjaldið

Maron Birnir, Helgi T og fleiri ungar poppstjörnur fara með aðalhlutverk í væntanlegri kvikmynd sem heitir Undir ísnum. Hópurinn hefur undanfarið unnið hörðum höndum að verkefninu og hlakka strákarnir mikið til að athjúpa afraksturinn á hvíta tjaldinu. Þeir frumsýna stiklu fyrir kvikmyndina hér fyrir neðan.

4. febrúar 2026 11:30

Þar sem vinsælustu lög landsins verða til

Íslenskt tónlistarlíf er afar sterkt og fjölbreytt um þessar mundir. Níu af tíu vinsælustu lögum landsins á streymisveitunni Spotify, þau voru íslensk á þessu ári, sem er það mesta síðan streymisveitan fór að taka saman lista þess efnis. Stór hluti þessarar tónlistar fer í gegnum klasann.

23. desember 2025 15:03

Tónhylur sameinar reynslubolta og þá efnilegustu

Í Árbænum vinna margir af reyndustu og efnilegustu tónlistarmönnum landsins að því að skapa tónlist í sérstökum tónlistarklasa. Stjórnarformaður segir eitt markmiðanna hafa verið að ólíkt listafólk geti fengið ráð hjá hvoru öðru og skapað eitthvað saman.

7. apríl 2025 10:14