Sverrir heim­sótti ó­vinnandi vígi

Sigurinn markaði mikil tímamót fyrir heimamenn PAOK, fimmtán leiki í röð án taps á heimavelli, heilt ár af tíu sigrum og fimm jafnteflum.

Liðið komst í leiðinni áfram í úrslitaleik um gríska bikarinn gegn OFI, sem vann Levadiakos, lið Harðar Björgvins Magnússonar, fyrr í dag.

PAOK var með mikla yfirburði í leiknum og uppskar tvö mörk undir lokin, á 71. og 87. mínútu. Dimitrios Chatsidis lagði fyrra markið upp fyrir Giorgos Giakoumakis og skoraði síðan sjálfur.

Þjálfarinn Rafael Benitez reyndi að hrista upp í hlutunum um miðjan seinni hálfleik og gerði þrefalda breytingu. Þar á meðal skipti hann portúgalska miðjumanninum Renato Sanchez inn á en það bar ekki árangur.