Innlent

Tyrkir vilja sendi­ráð á Ís­landi

Silja Rún Sigurbjörnsdóttir skrifar
Hakan Fidan, utanríkisráðherra Tyrkja, ræddi við Þorgerði Katrínu.
Hakan Fidan, utanríkisráðherra Tyrkja, ræddi við Þorgerði Katrínu. AP

Á símafundi Þorgerðar Katrínar Gunnarsdóttur utanríkisráðherra og Hakan Fidan, utanríkisráðherra Tyrklands, greindi sá síðarnefndi frá að Tyrkir hyggjast koma á fót sendiráði hér á Íslandi. 

Stefnt er á að opna sendiráðið síðar á þessu ári samkvæmt tilkynningu frá Stjórnarráðinu. 

Þorgerður og Fidan ræddu saman símleiðis um sameiginleg hagsmunamál sem og vaxandi tvíhliða samstarf ríkjanna á alþjóðasviðinu. Meðal umræðuefna voru málefni Gasa, Úkraínu og Grænlands.

„Ég þakkaði honum fyrir þann áhuga sem tyrknesk stjórnvöld hafa sýnt Íslandi og norðurslóðum að undanförnu. Þjóðir okkar eiga í góðum tvíhliða samskiptum og við erum auðvitað bandamenn til áratuga í Atlantshafsbandalaginu,“ er haft eftir Þorgerði Katrínu í tilkynningunni.

Tyrkland Sendiráð á Íslandi

Mest lesið


Fleiri fréttir

Sjá meira


×

Mest lesið