Ver­stappen stal sigrinum og allt gal­opið fyrir loka­keppnina

Það var í raun ekkert sem benti til þess að Verstappen ætti möguleika á sigri í dag, Red Bull bíllinn var einfaldlega ekki nógu hraður samanborið við McLaren bílana en Lando Norris hefði tryggt sér titilinn með sigri í dag.

Mögulega var það reynsluleysi hjá McLaren liðinu sem réð úrslitum í dag en undir lok keppninnar fór öryggisflaggið á loft og öryggisbíllinn út á brautina. Þá fóru öll liðin sem áttu möguleika á sigri í viðgerðastopp nema McLaren sem kom í bakið á þeim í lokin. 

Úrslit dagsins þýða að baráttan á toppnum og um titilinn er galopin. Norris ef efstur með 408 stig, Verstappen næstur með 396 og þá Oscar Piastri með 392. Verstappen getur sennilega nokkuð vel við unað en það er ekki langt síðan hann var rúmum 100 stigum frá toppnum.

Næsta keppni og síðasta keppni tímabilsins fer fram í Abu Dhabi næstu helgi, þann 7. desember.