Reynslu­boltar snúa aftur og keyra Cadillac á næsta ári

Þeir eiga fína ferla að baki og hafa tekið þátt í meira en tvö hundruð keppnum í Formúlu 1 en eru farnir að eldast og verða báðir orðnir 36 ára þegar næsta tímabil hefst.

Bottas hefur ekið bíla Williams, Mercedes og Alfa Romeo. Hann er þriðji ökumaður Mercedes í ár en hefur ekki tekið þátt í neinni keppni.

Perez hóf ferilinn hjá Sauber árið 2011 en hefur verið einnig verið á mála hjá McLaren, Racing Point og síðast Red Bull, en hætti störfum þar eftir síðasta tímabil.

„Samningurinn við Cadillac er mjög spennandi skref á mínum ferli. Frá því að við ræddum fyrst saman sá ég ástríðuna á bakvið þetta verkefni. Það er mikill heiður að vera hluti af liði sem mun þróast og með tímanum verða eitt af fremstu liðunum í Formúlu 1.

Cadillac er goðsagnarkennt nafn í amerísku mótorsporti og það er stórt verkefni, frábært tækifæri, að vera hluti af hópnum sem færir félagið inn í Formúlu 1“ sagði Perez við undirritun samningsins.