Bragð­góðar kalkúnabollur í kókos og límónusósu

Rétturinn hentar jafnt um helgar sem og á virkum kvöldum, þar sem hann er bæði fljótlegur í undirbúningi og einstaklega bragðgóður.

Kalkúnabollur í kókos og límónusósu

Hráefni:

• 600 gr kalkúnahakk
• 2 stk brauðsneiðar- 70 g
• 1 kúrbítur rifinn - 200 g
• 1 egg
• Hálft ferskt chilí (má sleppa)
• 2 hvítlauksrif, rifin
• 1 tsk rifið engifer
• 1 msk soyasósa
• 2 blaðlaukar skornir smátt
• Börkur af límónu, rifinn
• Ferskur kóríander
• Salt og pipar

Aðferð:

• Öll innihaldsefnin eru sett í skál og blönduð saman.
• Kúrbíturinn er rifinn smátt og vatnið kreist úr honum.
• Tvær brauðsneiðar eru ristaðar og maukaðar í blandara þar til þær verða að fínni brauðmylsnu.
• Því næst er öllu hrært saman, annað hvort í hrærivél eða með höndunum, og litlar bollur mótaðar.
• Bollunum er raða á bökunarplötu og bakaðar við 190 gráður í 25 mínútur.

Á meðan bollurnar bakast í ofninum er sósan útbúin og hrísgrjónin látin sjóða.

Sósan:

• 1 msk red curry paste
• 1 dós létt kókosmjólk
• 2 hvítlauksrif rifin
• 2 blaðlaukar
• 1 tsk engifer rifið
• 1 msk soyasósa
• 1 msk akasíuhunang
• 2 tsk better than bouillon kjúklingakraftur
• 1 dl vatn
• safi úr lime
• 1 paprika rifin þunnt

Aðferð:

• Setjið öll innihaldsefnin á pönnuna og látið sósuna hitna á vægum hita í nokkrar mínútur.
• Setjið paprikuna út í sósuna í þunnum sneiðum í lokin.
• Sósan er frekar þunn. Hægter  að þykkja hana með því að nota venjulega kókosmjólk eða þykkja með sósujafnara.

Þegar bollurnar eru tilbúnar eru þær settar út á pönnuna. Gott að setja ferskan kóríander yfir réttinn í lokin.