Svakalegir ráshópar á fyrsta degi á Íslandsmótinu í golfi Óskar Ófeigur Jónsson skrifar 6. ágúst 2025 15:31 Ríkjandi Íslandsmeistarar verða báðir á meðal keppenda í ár en hér má sjá þau Huldu Clöru Gestsdóttur og Aron Snæ Júlíusson með bikarana eftir Íslandsmótið í fyrra. Golfsamband Íslands Rástímar hafa nú verið birtir fyrir Íslandsmótið í golfi en öll augu kylfinga verða á Hafnarfirðinum næstu daga. Íslandsmótið í golfi 2025 fer fram á Hvaleyrarvelli hjá Golfklúbbnum Keili og hefst á morgun. Mikil spenna er fyrir mótinu, en þangað mæta bestu kylfingar landsins og leika um Íslandsmeistaratitilinn. Rástímar fyrstu tveggja keppnisdaganna hafa verið birtir, en eftir það verður raðað eftir skori. Fyrsti ráshópur mótsins hefur leik klukkan sjö í fyrramálið. Þar eru Henning Darri Þórðarson úr GK, Sverrir Haraldsson úr GM, og Björn Viktor Viktorsson úr GR. Ræst er með ellefu mínútna millibili og hefur síðasta holl leik kl. 15:37. Það er boðið upp á svakalega ráshópa hjá báðum kynjum á fyrsta degi. Forgjafarlægsta holl karlaflokksins hefur leik klukkan 09:23 á morgun. Þar eru Aron Snær Júlíusson, ríkjandi Íslandsmeistari, Tómas Eiríksson Hjaltested, efsti maður stigalistans, og Axel Bóasson, þrefaldur Íslandsmeistari. Forgjafarlægsta holl kvennaflokksins er ræst út næst á eftir karlahollinu. Í því leika Guðrún Brá Björgvinsdóttir, þrefaldur Íslandsmeistari, Heiðrún Anna Hlynsdóttir, sem er efst á stigalistanum, og Hulda Clara Gestsdóttir, ríkjandi Íslandsmeistari. Það má finna alla rástímana með því að smella hér. Hér fyrir neðan má sjá kynningu á helstu keppendum frá heimasíðu Golfsambands Íslands. Í kvennaflokki er meðalforgjöfin 0.84, sem er lægsta meðalforgjöfin í ár. Lægsta forgjöf flokksins er +5.4, sem er forgjöf Ragnhildar Kristinsdóttur. Hún hefur enn ekki leikið á GSÍ mótaröðinni í sumar, en hefur náð frábærum árangri á LET Access mótaröðinni. Hún varð í júlí fyrsti íslenski kylfingurinn til að vinna á mótaröðinni, og situr í fimmta sæti stigalistans. Ragnhildur varð Íslandsmeistari í fyrsta skiptið árið 2023, en hún hefur þrisvar hafnað í öðru sæti mótsins. Ríkjandi Íslandsmeistari kvenna, Hulda Clara Gestsdóttir, er einnig á meðal keppenda. Þetta er fyrsta mót Huldu á GSÍ mótaröðinni í sumar, en hún leikur í háskólagolfinu í Bandaríkjunum með University of Denver. Hulda hefur unnið mótið tvisvar, á Hólmsvelli árið 2024 og á Jaðarsvelli árið 2021. Guðrún Brá Björgvinsdóttir tekur einnig þátt í mótinu. Guðrún hefur leikið á LET og LET Access mótaröðunum í sumar, en LET mótaröðin er stærsta svið atvinnukylfinga í Evrópu. Guðrún vann Íslandsmótið þrjú ár í röð á tímabilinu 2018-2020, og hefur náð þeim ótrúlega árangri að vera átta sinnum í efstu þremur sætum mótsins. Heiðrún Anna Hlynsdóttir kemur inn í mótið sem efsti kylfingur stigalistans. Hún hefur unnið öll þau fjögur mót sem hún hefur tekið þátt í í sumar, og stefnir að sínum fyrsta Íslandsmeistaratitli á Hvaleyrarvelli í ár. Heiðrún hefur leikið frábært golf í allt sumar og hefur tryggt sér stigameistaratitil kvenna áður en Íslandsmótið fer fram. Á vellinum má einnig finna fleiri frábæra kylfinga, þ.á.m. fyrrverandi Íslandsmeistarana Perlu Sól Sigurbrandsdóttur, Þórdísi Geirsdóttur og Ragnhildi Sigurðardóttur. Í karlaflokki er meðalforgjöfin +2.03, sem er sú lægsta á tímabilinu. 72 kylfingar eru með forgjöf undir 0, en þar á meðal eru margir fyrrverandi Íslandsmeistarar. Tómas Eiríksson Hjaltested er með lægstu forgjöf mótsins, +5.7. Tómas er efsti kylfingur stigalistans og hefur leikið frábærlega á GSÍ mótaröðinni í sumar. Hann hefur verið í efstu fimm sætunum í öllum mótum sumarsins, og þrisvar endað í öðru sæti. Hann hefur þó enn ekki unnið á tímabilinu og stefnir að sigri í því elsta og virtasta. Tómas sigraði í Hvaleyrarbikarnum á síðasta ári, og hefur því góða reynslu af vellinum. Dagbjartur Sigurbrandsson kemur þar á eftir, með forgjöfina +5.6. Dagbjartur lauk háskólanámi sínu í Bandaríkjunum fyrr í sumar og hefur einungis keppt á einu móti hérlendis. Þar lék hann í Korpubikarnum, þar sem hann hafnaði í 3. sæti eftir frábæra spilamennsku. Atvinnukylfingarnir Guðmundur Ágúst Kristjánsson og Haraldur Franklín Magnús eru báðir á meðal keppenda í mótinu. Báðir leika þeir á HotelPlanner Tour mótaröðinni í Evrópu, sem er sú næststerkasta á eftir Evrópumótaröðinni. Guðmundur og Haraldur hafa báðir orðið Íslandsmeistarar, Haraldur árið 2012 á Strandarvelli og Guðmundur árið 2019 á Grafarholtsvelli. Heimamenn í Golfklúbbnum Keili hafa reynst sigursælir í karlaflokki. Axel Bóasson hefur unnið mótið þrisvar, meðal annars þegar mótið var haldið á vellinum síðast árið 2017. Hann stefnir að sínum fjórða sigri í ár. Margir fyrrverandi Íslandsmeistarar verða á svæðinu, þ.á.m. Aron Snær Júlíusson, ríkjandi Íslandsmeistari, og Logi Sigurðsson, meistari 2023. Keppendur mótsins koma úr 17 golfklúbbum víðs vegar af landinu. Golfklúbbur Reykjavíkur á flesta keppendur, alls 32, en heimamenn í Golfklúbbnum Keili eiga 21 kylfing í mótinu. Golf Mest lesið Kærustupar á leið á Ólympíuleika þar sem þau fá ekki að vera saman Sport Leik lokið: Víkingur - Vestri 4-1 | Víkingar fóru illa með nýkrýnda bikarmeistara Íslenski boltinn Í beinni: Valur - Afturelding | Hvernig mætir toppliðið til leiks án Pedersen? Íslenski boltinn Hélt uppi meira en aldar gamalli hefð Enski boltinn Heimir skildi fyrirliðann eftir heima Fótbolti Slot gagnrýnir Newcastle: „Þetta var ekki fótboltaleikur“ Enski boltinn Borga fjörutíu milljónir punda fyrir kantmann sem skoraði tvö mörk í fyrra Enski boltinn Taplausir síðan Caulker kom inn í liðið Íslenski boltinn Sjáðu sigurmark Rios og öll hin frá St. James' Park Enski boltinn Gagnrýndu Bruno: „Hann átti skelfilegan leik“ Enski boltinn Fleiri fréttir Stjörnurnar samglöddust Fleetwood sem vann loks í 164. tilraun Arnar og Bjarki unnu golfmót Fluga hjálpaði kúlunni ofan í holuna McIlroy tók heim með sér ellefu hundruð smáfána af Mastersmótinu Skjálfandi í keppni eftir of stóran skammt af kreatíni Vildi mölva kylfurnar eftir sturlað högg Schefflers Vann mótið með lokahögginu sem var magnað vipp úr sandinum Bestu kylfingar landsins í einvígi á Sýn Sport í kvöld Ótrúlegt golfhögg í reiðiskasti slær í gegn á netinu „Hef hugsað um þetta síðan ég var þrettán ára“ Gunnlaugur Árni komst áfram á U.S. Amateur Gunnlaugur byrjar vel á móti þar sem til mikils er að vinna Guðrún Brá Íslandsmeistari eftir spennandi umspil Dagbjartur Sigurbrandsson er Íslandsmeistari í golfi 2025 Bæði systkinin í lokaráshóp á lokadegi Íslandsmótsins í golfi Fór holu í höggi í beinni í sjónvarpinu Axel leiðir að öðrum degi loknum Hulda Clara ein á toppnum eftir dag númer tvö á Íslandsmótinu í golfi Hlynur sigurvegari á Forsbacka Open í Svíþjóð Framkvæmdastjórinn fær frí til að vera kylfusveinn Samdi við kríuna um að koma sér á brott Hulda Clara og Karen Lind efstar Axel og Dagbjartur leiða Sexfaldur Íslandsmeistari sló fyrsta höggið á Íslandsmótinu í golfi 2025 Svakalegir ráshópar á fyrsta degi á Íslandsmótinu í golfi Tíu af bestu kylfingum landsins lögðu Minningarsjóð Bryndísar Klöru lið Risaskjár og stuðsvæði á Íslandsmótinu í golfi Einvígið á Nesinu safnar í ár fyrir minningarsjóð Bryndísar Klöru Of falleg saga til að vera ekki skrifuð í skýin Siggi Raggi for holu í höggi á vellinum þar sem Íslandsmótið fer fram Sjá meira
Íslandsmótið í golfi 2025 fer fram á Hvaleyrarvelli hjá Golfklúbbnum Keili og hefst á morgun. Mikil spenna er fyrir mótinu, en þangað mæta bestu kylfingar landsins og leika um Íslandsmeistaratitilinn. Rástímar fyrstu tveggja keppnisdaganna hafa verið birtir, en eftir það verður raðað eftir skori. Fyrsti ráshópur mótsins hefur leik klukkan sjö í fyrramálið. Þar eru Henning Darri Þórðarson úr GK, Sverrir Haraldsson úr GM, og Björn Viktor Viktorsson úr GR. Ræst er með ellefu mínútna millibili og hefur síðasta holl leik kl. 15:37. Það er boðið upp á svakalega ráshópa hjá báðum kynjum á fyrsta degi. Forgjafarlægsta holl karlaflokksins hefur leik klukkan 09:23 á morgun. Þar eru Aron Snær Júlíusson, ríkjandi Íslandsmeistari, Tómas Eiríksson Hjaltested, efsti maður stigalistans, og Axel Bóasson, þrefaldur Íslandsmeistari. Forgjafarlægsta holl kvennaflokksins er ræst út næst á eftir karlahollinu. Í því leika Guðrún Brá Björgvinsdóttir, þrefaldur Íslandsmeistari, Heiðrún Anna Hlynsdóttir, sem er efst á stigalistanum, og Hulda Clara Gestsdóttir, ríkjandi Íslandsmeistari. Það má finna alla rástímana með því að smella hér. Hér fyrir neðan má sjá kynningu á helstu keppendum frá heimasíðu Golfsambands Íslands. Í kvennaflokki er meðalforgjöfin 0.84, sem er lægsta meðalforgjöfin í ár. Lægsta forgjöf flokksins er +5.4, sem er forgjöf Ragnhildar Kristinsdóttur. Hún hefur enn ekki leikið á GSÍ mótaröðinni í sumar, en hefur náð frábærum árangri á LET Access mótaröðinni. Hún varð í júlí fyrsti íslenski kylfingurinn til að vinna á mótaröðinni, og situr í fimmta sæti stigalistans. Ragnhildur varð Íslandsmeistari í fyrsta skiptið árið 2023, en hún hefur þrisvar hafnað í öðru sæti mótsins. Ríkjandi Íslandsmeistari kvenna, Hulda Clara Gestsdóttir, er einnig á meðal keppenda. Þetta er fyrsta mót Huldu á GSÍ mótaröðinni í sumar, en hún leikur í háskólagolfinu í Bandaríkjunum með University of Denver. Hulda hefur unnið mótið tvisvar, á Hólmsvelli árið 2024 og á Jaðarsvelli árið 2021. Guðrún Brá Björgvinsdóttir tekur einnig þátt í mótinu. Guðrún hefur leikið á LET og LET Access mótaröðunum í sumar, en LET mótaröðin er stærsta svið atvinnukylfinga í Evrópu. Guðrún vann Íslandsmótið þrjú ár í röð á tímabilinu 2018-2020, og hefur náð þeim ótrúlega árangri að vera átta sinnum í efstu þremur sætum mótsins. Heiðrún Anna Hlynsdóttir kemur inn í mótið sem efsti kylfingur stigalistans. Hún hefur unnið öll þau fjögur mót sem hún hefur tekið þátt í í sumar, og stefnir að sínum fyrsta Íslandsmeistaratitli á Hvaleyrarvelli í ár. Heiðrún hefur leikið frábært golf í allt sumar og hefur tryggt sér stigameistaratitil kvenna áður en Íslandsmótið fer fram. Á vellinum má einnig finna fleiri frábæra kylfinga, þ.á.m. fyrrverandi Íslandsmeistarana Perlu Sól Sigurbrandsdóttur, Þórdísi Geirsdóttur og Ragnhildi Sigurðardóttur. Í karlaflokki er meðalforgjöfin +2.03, sem er sú lægsta á tímabilinu. 72 kylfingar eru með forgjöf undir 0, en þar á meðal eru margir fyrrverandi Íslandsmeistarar. Tómas Eiríksson Hjaltested er með lægstu forgjöf mótsins, +5.7. Tómas er efsti kylfingur stigalistans og hefur leikið frábærlega á GSÍ mótaröðinni í sumar. Hann hefur verið í efstu fimm sætunum í öllum mótum sumarsins, og þrisvar endað í öðru sæti. Hann hefur þó enn ekki unnið á tímabilinu og stefnir að sigri í því elsta og virtasta. Tómas sigraði í Hvaleyrarbikarnum á síðasta ári, og hefur því góða reynslu af vellinum. Dagbjartur Sigurbrandsson kemur þar á eftir, með forgjöfina +5.6. Dagbjartur lauk háskólanámi sínu í Bandaríkjunum fyrr í sumar og hefur einungis keppt á einu móti hérlendis. Þar lék hann í Korpubikarnum, þar sem hann hafnaði í 3. sæti eftir frábæra spilamennsku. Atvinnukylfingarnir Guðmundur Ágúst Kristjánsson og Haraldur Franklín Magnús eru báðir á meðal keppenda í mótinu. Báðir leika þeir á HotelPlanner Tour mótaröðinni í Evrópu, sem er sú næststerkasta á eftir Evrópumótaröðinni. Guðmundur og Haraldur hafa báðir orðið Íslandsmeistarar, Haraldur árið 2012 á Strandarvelli og Guðmundur árið 2019 á Grafarholtsvelli. Heimamenn í Golfklúbbnum Keili hafa reynst sigursælir í karlaflokki. Axel Bóasson hefur unnið mótið þrisvar, meðal annars þegar mótið var haldið á vellinum síðast árið 2017. Hann stefnir að sínum fjórða sigri í ár. Margir fyrrverandi Íslandsmeistarar verða á svæðinu, þ.á.m. Aron Snær Júlíusson, ríkjandi Íslandsmeistari, og Logi Sigurðsson, meistari 2023. Keppendur mótsins koma úr 17 golfklúbbum víðs vegar af landinu. Golfklúbbur Reykjavíkur á flesta keppendur, alls 32, en heimamenn í Golfklúbbnum Keili eiga 21 kylfing í mótinu.
Golf Mest lesið Kærustupar á leið á Ólympíuleika þar sem þau fá ekki að vera saman Sport Leik lokið: Víkingur - Vestri 4-1 | Víkingar fóru illa með nýkrýnda bikarmeistara Íslenski boltinn Í beinni: Valur - Afturelding | Hvernig mætir toppliðið til leiks án Pedersen? Íslenski boltinn Hélt uppi meira en aldar gamalli hefð Enski boltinn Heimir skildi fyrirliðann eftir heima Fótbolti Slot gagnrýnir Newcastle: „Þetta var ekki fótboltaleikur“ Enski boltinn Borga fjörutíu milljónir punda fyrir kantmann sem skoraði tvö mörk í fyrra Enski boltinn Taplausir síðan Caulker kom inn í liðið Íslenski boltinn Sjáðu sigurmark Rios og öll hin frá St. James' Park Enski boltinn Gagnrýndu Bruno: „Hann átti skelfilegan leik“ Enski boltinn Fleiri fréttir Stjörnurnar samglöddust Fleetwood sem vann loks í 164. tilraun Arnar og Bjarki unnu golfmót Fluga hjálpaði kúlunni ofan í holuna McIlroy tók heim með sér ellefu hundruð smáfána af Mastersmótinu Skjálfandi í keppni eftir of stóran skammt af kreatíni Vildi mölva kylfurnar eftir sturlað högg Schefflers Vann mótið með lokahögginu sem var magnað vipp úr sandinum Bestu kylfingar landsins í einvígi á Sýn Sport í kvöld Ótrúlegt golfhögg í reiðiskasti slær í gegn á netinu „Hef hugsað um þetta síðan ég var þrettán ára“ Gunnlaugur Árni komst áfram á U.S. Amateur Gunnlaugur byrjar vel á móti þar sem til mikils er að vinna Guðrún Brá Íslandsmeistari eftir spennandi umspil Dagbjartur Sigurbrandsson er Íslandsmeistari í golfi 2025 Bæði systkinin í lokaráshóp á lokadegi Íslandsmótsins í golfi Fór holu í höggi í beinni í sjónvarpinu Axel leiðir að öðrum degi loknum Hulda Clara ein á toppnum eftir dag númer tvö á Íslandsmótinu í golfi Hlynur sigurvegari á Forsbacka Open í Svíþjóð Framkvæmdastjórinn fær frí til að vera kylfusveinn Samdi við kríuna um að koma sér á brott Hulda Clara og Karen Lind efstar Axel og Dagbjartur leiða Sexfaldur Íslandsmeistari sló fyrsta höggið á Íslandsmótinu í golfi 2025 Svakalegir ráshópar á fyrsta degi á Íslandsmótinu í golfi Tíu af bestu kylfingum landsins lögðu Minningarsjóð Bryndísar Klöru lið Risaskjár og stuðsvæði á Íslandsmótinu í golfi Einvígið á Nesinu safnar í ár fyrir minningarsjóð Bryndísar Klöru Of falleg saga til að vera ekki skrifuð í skýin Siggi Raggi for holu í höggi á vellinum þar sem Íslandsmótið fer fram Sjá meira