Mbappé stoppaði stutt á spítalanum

„Mbappé mun halda áfram læknismeðferð og stíga aftur inn á liðsæfingar í skrefum“ sagði í tilkynningu sem Real Madrid sendi frá sér í gærkvöldi.

Mbappé hefur nú snúið aftur á æfingasvæði liðsins við Palm Beach í Flórída en maga- og garnabólgu fylgja töluverðir verkir, auk mögulega niðurgangs og uppkasta.

Óvíst er hvort Mbappé muni ná sér fyrir leik liðsins gegn Pachuca næsta sunnudag, ef ekki verður hann mögulega orðinn leikhæfur gegn RB Salzburg næsta fimmtudag.

Real gerði 1-1 jafntefli gegn Al-Hilal í fyrsta leik en stefnir að þriðja titli tímabilsins á HM félagsliða, eftir að hafa unnið UEFA ofurbikarinn og álfubikar FIFA.