Heil­brigðis­stofnun Suður­nesja skilaði 800 milljónum til ríkis­sjóðs

Heilbrigðisstofnun Suðurnesja er með höfuðstöðvar sínar í Reykjanesbæ en hlutverk stofnunarinnar er að efla heilsu íbúa á Suðurnesjum. Reksturinn gengur ótrúlega vel en það er ekki oft, sem maður heyrir að heilbrigðisstofnun skili jákvæðum rekstri eftir árið en það gerðist á síðasta ári upp á tæpar 150 milljónir. Annað, sem er markvert í fjármálum Heilbrigðisstofnunar Suðurnesja er að handbært fé lækkaði um 422 milljónir milli ára og stofnunin skilaði vel yfir 800 milljónum til ríkissjóðs árið 2024.

Guðlaug Rakel Guðjónsdóttir er forstjóri Heilbrigðisstofnunar Suðurnesja.

„það gengur bara ótrúlega vel hjá okkur. Við erum nýbúin að hafa ársfund og við erum líka nýbúin að segja aðeins hvað við erum að gera og það gengur vel. Við erum að endurskoða eiginlega stofnunina alla og bæði reksturinn og þjónustan gengur bara mjög vel,” segir Guðlaug Rakel.

Og þið eruð að sinna mörgum skjólstæðingum eða hvað?

„Já, við gerum það, við erum að sinna mjög mörgum skjólstæðingum, bæði á heilsugæslunni og líka á bráðamóttökunni og legudeildunum. Síðan er við með rannsóknarstofu og myndgreiningu og síðan erum við líka með sálfélagslegaþjónustu til Suðurnesjabúa,” segir Guðlaug Rakel.

Um 440 starfsmenn vinna hjá Heilbrigðisstofnun Suðurnesja.

„Við erum með öfluga stofnun, sem byggir á góðum grunni og bara mjög öflug eins og ég segi”, segir forstjóri Heilbrigðisstofnunar Suðurnesja.

Heimasíða stofnunarinnar