Tollar á ál og stál hækka

Trump tilkynnti hækkunina í heimsókn til stálvinnslu í Bandaríkjunum í síðustu viku en þeir tóku gildi í nótt.

Í forsetatilskipun frá Trump segir hann að tollarnir muni vinna gegn ríkjum sem selja ódýrt stál og ál til Bandaríkjanna og grafi þannig undan iðnaði í Bandaríkjunum.

Sjá einnig: Tvöfaldar tolla á innflutt stál og ál

Kanada, Kína og Evrópusambandið eru meðal þeirra sem selja Bandaríkjamönnum hvað mest stál og ál en New York Times segir tollana ekki hafa fallið í kramið þar. Þá segir miðillinn að tollarnir hafi kveikt viðvörunarbjöllur hjá forsvarsmönnum bílaframleiðenda, flugvéla og annarra fyrirtækja sem kaupa ál og stál í miklu magni.

Tollarnir eru sagðir muna auka framleiðslukostnað þessara fyrirtækja og þannig koma niður á bandarískum kaupendum. Hagfræðingar vara við því að tollar á þessa málma gætu hægt á bandarískri framleiðslu.

Frá því hann tók við embætti forseta í janúar hefur Trump beitt umfangsmiklum tollum gegn ríkjum um allan heim, á alls kyns vörur og þjónustu, og einnig fellt nýopinberaða tolla sína niður ítrekað eða frestað gildisfestingu þeirra.

Þessum aðgerðum hefur fylgt mikil óreiða og fjöldi lögsókna. Alþjóðaviðskiptadómstóll Bandaríkjanna hefur meðal annars komist að þeirri niðurstöðu að Trump hafi farið út fyrir valdheimildir sínar þegar hann beitt flestöll ríki heims tollum fyrr á árinu.