„Hann var of góður fyrir þennan grimma heim sem við búum í“ Kristín Ólafsdóttir skrifar 29. janúar 2025 10:34 Mæðginin Eyrún og Hrannar saman í útlöndum. úr einkasafni Hrannar Daði Þórðarson var átján ára þegar hann lést sviplega 2. maí í fyrra eftir að hafa greinst með illvígt krabbamein 19. apríl, aðeins þrettán dögum áður. Móðir hans segir áfallið svipað því að missa ástvin í slysi. Fyrirvarinn sama og enginn. Þegar Eyrún María Rúnarsdóttir, dósent í uppeldis- og menntunarfræði við Háskóla Íslands, lauk við fræðigrein í mars í fyrra óraði hana ekki fyrir því að áður en greinin yrði birt þyrfti hún að bæta við hana minningarorðum um son sinn. Umfjöllunarefnið, netvinátta unglinga, stóð Eyrúnu nærri. Hún var innblásin af Hrannari Daða syni sínum við greinarskrifin en hann var á einhverfurófi og átti að miklu leyti í sínum samskiptum á netinu. Eyrún sagði sögu sína og Hrannars Daða í Íslandi í dag, sem horfa má á hér fyrir ofan. Hún segir að það hafi verið sér mikilvægt að ljá greininni rödd Hrannars Daða og að með fræðistörfum sínum geti hún mögulega stemmt stigu við fordómum sem gæti um netsamskipti og samfélagsmiðla. „Ég kalla þetta skotgrafir. Okkur hættir til að líta á ansi margt í lífinu sem svart og hvítt og ég vil bara benda á þetta er ekki svart eða hvítt málefni. Samfélagsmiðlar eru ekki bara slæmir eða bara góðir, þeir eru bæði. Það er ávinningur, það kemur í ljós úr rannsóknum að krakkar fá miklu frekar jákvæða endurgjöf frá vinum á netinu en neikvæða, það kemur fram að þetta getur aukið þeirra tilfinningu að tilheyra í samfélagi að eiga ríkulegt tengslanet í gegnum netið,“ segir Eyrún. Var orðinn fárveikur þrátt fyrir minniháttar einkenni Andlát Hrannars bar að með mjög sviplegum hætti. Eyrún lýsir því að hann hafi verið slappur, fengið flensueinkenni og hitaslæðing við og við. Hann hafi líka verið þreyttur, sem hafi ekki endilega verið óvenjulegt. Hrannar hafði lengi glímt við þunglyndi og átti það til að fara í niðursveiflur, sem einmitt einkenndust af þreytu og deyfð. „En þetta eru einu einkennin sem hann hafði, einu einkennin. Og barnið var orðið fárveikt af krabbameini. Þegar hann dó var hann kominn með meinvörp um allan líkamann og orðið mjög mikið veikur án þess að nokkur vissi það. Krabbameinið sem hann fékk heitir kímfrumuæxli, það vex í miðmætinu óáreitt, truflar ekki líffærastarfsemi og er gjarnan einkennalítið eða einkennalaust. Og þau einkenni sem hefðu mögulega getað bent á það, þau komu ekki hjá honum. Hann greinist loks með þetta krabbamein 19. apríl og hann er dáinn 2. maí,“ segir Eyrún. Hrannar Daði á spítalanum. Læknar og hjúkrunarfólk voru alveg jafnslegin yfir atburðarásinni og fjölskylda Hrannars Daða, að sögn Eyrúnar.úr einkasafni „Og læknar og hjúkrunarfólk var alveg jafnslegið yfir þessari atburðarás og við vorum. Það átti enginn von á þessu. Hann átti að fara í sex vikna lyfjameðferð, auðvitað vissu allir að þetta væri mjög erfitt tilfelli, mjög sjaldgæft krabbamein og erfitt að eiga við. Það var búið að stilla upp sex vikna lyfjameðferð og hann var búinn með viku af henni og þá bara dó hann.“ Fyrirvarinn nánast enginn Það liðu þannig aðeins þrettán dagar frá því að Hrannar Daði greindist og þar til hann lést. „Þetta er bara eins og bílslys, þetta er eins og að missa hann snögglega hérna úti á vegunum. Enginn fyrirvari og brjálæðislegt högg.“ Eyrún lýsir Hrannari Daða sem ljúfum, góðum og viðkvæmum pilti, miklum keppnismanni sem hafði gaman af tölvuleikjum og borðspilum. „Ég hugsaði oft að hann væri eiginlega of góður fyrir þennan grimma heim sem við búum í.“ Viðtalið við Eyrúnu í Íslandi í dag má horfa á í heild í spilaranum hér fyrir ofan. Þá má einnig nálgast þáttinn í streymisveitu Stöðvar 2, Stöð 2+. Ísland í dag Krabbamein Mest lesið Helena var krýnd Ungfrú Ísland í kvöld Lífið Héldu að hún væri rokkstjarna eða gift ríkum gaur Tíska og hönnun „Ég vissi að ég væri ekki fara að skila honum“ Makamál Spegill, spegill, herm þú mér, hve léleg endurgerðin er Gagnrýni „Var fljót að henda kjólnum aftur niður og labba inn á sviðið“ Lífið Keppast um titilinn Ungfrú Ísland í beinni útsendingu í kvöld Lífið Drógu úr almennri neyslu um 1,1 milljón á mánuði Lífið Öskraði úr sársauka í næstum klukkutíma Lífið Halla Hrund og Kristján selja íbúðina í Fossvogi Lífið Óhefðbundin leið til að halda upp á sextugsafmælið Lífið Fleiri fréttir Helena var krýnd Ungfrú Ísland í kvöld Óhefðbundin leið til að halda upp á sextugsafmælið Mafían, CIA eða Fidel Castro? Ný skjöl um morðið kynda undir samsæriskenningar Drógu úr almennri neyslu um 1,1 milljón á mánuði Halla Hrund og Kristján selja íbúðina í Fossvogi Keppast um titilinn Ungfrú Ísland í beinni útsendingu í kvöld Arnhildur og Alfreð selja íbúð með „nágranna úr gulli“ Öskraði úr sársauka í næstum klukkutíma Átján ára í bullandi bisness og anna vart eftirspurn Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Sjá meira
Þegar Eyrún María Rúnarsdóttir, dósent í uppeldis- og menntunarfræði við Háskóla Íslands, lauk við fræðigrein í mars í fyrra óraði hana ekki fyrir því að áður en greinin yrði birt þyrfti hún að bæta við hana minningarorðum um son sinn. Umfjöllunarefnið, netvinátta unglinga, stóð Eyrúnu nærri. Hún var innblásin af Hrannari Daða syni sínum við greinarskrifin en hann var á einhverfurófi og átti að miklu leyti í sínum samskiptum á netinu. Eyrún sagði sögu sína og Hrannars Daða í Íslandi í dag, sem horfa má á hér fyrir ofan. Hún segir að það hafi verið sér mikilvægt að ljá greininni rödd Hrannars Daða og að með fræðistörfum sínum geti hún mögulega stemmt stigu við fordómum sem gæti um netsamskipti og samfélagsmiðla. „Ég kalla þetta skotgrafir. Okkur hættir til að líta á ansi margt í lífinu sem svart og hvítt og ég vil bara benda á þetta er ekki svart eða hvítt málefni. Samfélagsmiðlar eru ekki bara slæmir eða bara góðir, þeir eru bæði. Það er ávinningur, það kemur í ljós úr rannsóknum að krakkar fá miklu frekar jákvæða endurgjöf frá vinum á netinu en neikvæða, það kemur fram að þetta getur aukið þeirra tilfinningu að tilheyra í samfélagi að eiga ríkulegt tengslanet í gegnum netið,“ segir Eyrún. Var orðinn fárveikur þrátt fyrir minniháttar einkenni Andlát Hrannars bar að með mjög sviplegum hætti. Eyrún lýsir því að hann hafi verið slappur, fengið flensueinkenni og hitaslæðing við og við. Hann hafi líka verið þreyttur, sem hafi ekki endilega verið óvenjulegt. Hrannar hafði lengi glímt við þunglyndi og átti það til að fara í niðursveiflur, sem einmitt einkenndust af þreytu og deyfð. „En þetta eru einu einkennin sem hann hafði, einu einkennin. Og barnið var orðið fárveikt af krabbameini. Þegar hann dó var hann kominn með meinvörp um allan líkamann og orðið mjög mikið veikur án þess að nokkur vissi það. Krabbameinið sem hann fékk heitir kímfrumuæxli, það vex í miðmætinu óáreitt, truflar ekki líffærastarfsemi og er gjarnan einkennalítið eða einkennalaust. Og þau einkenni sem hefðu mögulega getað bent á það, þau komu ekki hjá honum. Hann greinist loks með þetta krabbamein 19. apríl og hann er dáinn 2. maí,“ segir Eyrún. Hrannar Daði á spítalanum. Læknar og hjúkrunarfólk voru alveg jafnslegin yfir atburðarásinni og fjölskylda Hrannars Daða, að sögn Eyrúnar.úr einkasafni „Og læknar og hjúkrunarfólk var alveg jafnslegið yfir þessari atburðarás og við vorum. Það átti enginn von á þessu. Hann átti að fara í sex vikna lyfjameðferð, auðvitað vissu allir að þetta væri mjög erfitt tilfelli, mjög sjaldgæft krabbamein og erfitt að eiga við. Það var búið að stilla upp sex vikna lyfjameðferð og hann var búinn með viku af henni og þá bara dó hann.“ Fyrirvarinn nánast enginn Það liðu þannig aðeins þrettán dagar frá því að Hrannar Daði greindist og þar til hann lést. „Þetta er bara eins og bílslys, þetta er eins og að missa hann snögglega hérna úti á vegunum. Enginn fyrirvari og brjálæðislegt högg.“ Eyrún lýsir Hrannari Daða sem ljúfum, góðum og viðkvæmum pilti, miklum keppnismanni sem hafði gaman af tölvuleikjum og borðspilum. „Ég hugsaði oft að hann væri eiginlega of góður fyrir þennan grimma heim sem við búum í.“ Viðtalið við Eyrúnu í Íslandi í dag má horfa á í heild í spilaranum hér fyrir ofan. Þá má einnig nálgast þáttinn í streymisveitu Stöðvar 2, Stöð 2+.
Ísland í dag Krabbamein Mest lesið Helena var krýnd Ungfrú Ísland í kvöld Lífið Héldu að hún væri rokkstjarna eða gift ríkum gaur Tíska og hönnun „Ég vissi að ég væri ekki fara að skila honum“ Makamál Spegill, spegill, herm þú mér, hve léleg endurgerðin er Gagnrýni „Var fljót að henda kjólnum aftur niður og labba inn á sviðið“ Lífið Keppast um titilinn Ungfrú Ísland í beinni útsendingu í kvöld Lífið Drógu úr almennri neyslu um 1,1 milljón á mánuði Lífið Öskraði úr sársauka í næstum klukkutíma Lífið Halla Hrund og Kristján selja íbúðina í Fossvogi Lífið Óhefðbundin leið til að halda upp á sextugsafmælið Lífið Fleiri fréttir Helena var krýnd Ungfrú Ísland í kvöld Óhefðbundin leið til að halda upp á sextugsafmælið Mafían, CIA eða Fidel Castro? Ný skjöl um morðið kynda undir samsæriskenningar Drógu úr almennri neyslu um 1,1 milljón á mánuði Halla Hrund og Kristján selja íbúðina í Fossvogi Keppast um titilinn Ungfrú Ísland í beinni útsendingu í kvöld Arnhildur og Alfreð selja íbúð með „nágranna úr gulli“ Öskraði úr sársauka í næstum klukkutíma Átján ára í bullandi bisness og anna vart eftirspurn Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Sjá meira