Láns­kjara­vakt Aur­bjargar auð­veldar leit að hag­stæðara hús­næðis­láni

Hér kemur Aurbjörg til sögunnar. Við vitum hversu stressandi það getur verið að reyna að hafa yfirsýn yfir fjármál heimilisins. Þess vegna höfum við hannað lausnir sem miða að því að gera lífið auðveldara.

Hugsaðu þér ef það væri til hjálpartól á netinu sem myndi láta þig vita þegar betri lánakjör bjóðast á húsnæðislánamarkaði.

Lánveitendur láta þig ekki vita af því persónulega ef hentugra lán býðst. Þú hefur hingað til þurft að kanna málið að fyrra bragði. Og þá eru ekki allar upplýsingar á einum stað. Það eru þrír stórir bankar í landinu, allavega fjórtán lífeyrissjóðir og fimm sparisjóðir. Það er því ekki hlaupið að því að safna öllu lánaupplýsingum saman ef þú þarft að endurfjármagna lánin þín. Allavega ekki fyrr en nú.

Nýjasta vara Aurbjargar er Lánskjaravakt

Lánskjaravakt virkar þannig að áskrifendur Aurbjargar skrá húsnæðislán á sínu heimasvæði á síðu Aurbjargar. Lánskjaravakt leitar svo að öllum mögulegum húsnæðislánakostum banka, sparisjóða og lífeyrissjóða og ber þá saman við þitt lán. Þannig getur þú komist að því hvort einhver lán séu betri fyrir þig.

Höfum samt í huga að það er huglægt hvað sé betra lán.

Sumir lesendur þessarar greinar gætu verið að leita að lægri mánaðarlegri afborgun. Önnur okkar eru hugsanlega að leita að láni sem er með lægri vöxtum eða lægri heildargreiðslu þegar upp er staðið. En Lánskjaravakt Aurbjargar getur fundið þetta allt fyrir þig.

Um leið og aðrir lánamöguleikar birtast sem passa við forsendur áskrifanda Aurbjargar í sinni Lánskjaravakt, þá sendist tölvupóstur til áskrifandans.

Það er síðan á valdi áskrifenda Aurbjargar hvort þeir vilji nýta sér hugmyndir Lánskjaravaktarinnar til að endurfjármagna lánin sín.

Tökum eitt dæmi

Segjum að fjölskylda sé með 45 milljóna króna lán til 40 ára hjá banka með 10,89% óverðtryggða og breytilega vexti. Afborgunin á slíku láni er 413.969 kr. á mánuði og heildargreiðsla slíks láns væri 198.657.262 kr. yfir allan lánstímann.

Þessi fjölskylda gæti tímabundið þurft að lækka greiðslubyrði lána. Það getur alveg gerst. Lánskjaravaktin myndi láta þessa fjölskyldu vita af því að sex önnur lán myndu bjóðast sem gætu hentað.

Svona myndu möguleikar Lánskjaravaktarinnar birtast.

Á þessari síðu má sjá að það er vissulega hægt að finna lán með lægri mánaðarlegri greiðslu. Lægsta mánaðarlega greiðslan væri 168.670 kr. á mánuði. Það þýðir lækkun upp á 245.199 kr. á mánuði. Það getur komið sér vel, allavega tímabundið.

Það skal samt tekið fram að um er að ræða verðtryggt lán. Í stuttu máli þýðir það að vextir lánsins eru lægri sem leggjast á mánaðarlega afborgun. Það er fínt en segir því miður bara hálfa söguna. Verðbætur, sem leggjast á lánið og reiknast út frá verðbólgu hvers tíma, eru krónutala sem leggst við höfuðstól lánsins. Höfuðstóll verðtryggðs láns hækkar því í byrjun lánstímans því verðbæturnar hlaðast utan á höfuðstólinn.

Þess vegna er heildargreiðsla nýja verðtryggða lánsins hærri en heildargreiðsla núverandi láns. Það þarf ekki að vera besti kosturinn í stöðunni. En það er möguleiki sem vert er að skoða.

Tökum annað dæmi

Önnur fjölskylda sem nýtir sér Lánskjaravakt Aurbjargar gæti verið í öðrum sporum. Sú fjölskylda gæti haft meira milli handanna og myndi vilja lækka heildargreiðslu lánsins með því að greiða hærri upphæð á mánuði.

Með sams konar lán og forsendur í Lánskjaravakt má sjá á þessari töflu að það er til lán með örlítið hærri mánaðarlegri greiðslu, 425.478 kr. en jafnframt miklu lægri heildargreiðslu. Þarna er heildargreiðsla upp á 125.702.687 kr. Þar er tæplega 73 milljóna króna sparnaður yfir 40 ára lánstíma.

Lánskjaravakt Aurbjargar er frábært og einfalt hjálpartól sem þarf bara að vita hvernig húsnæðislán þú ert með. Það sér um afganginn og og lætur þig vita ef önnur lán bjóðast þér á íslenskum húsnæðislánamarkaði sem gætu hentað þér betur - til skamms eða langs tíma.

Kynntu þér málið á vef Aurbjargar.