Hel­vítis kokkurinn: Hei­lög hel­vítis þrenna

Matreiðsluþátturinn er fyrir þá sem vilja ekkert kjaftæði, bara elda bragðgóðan mat. Í þetta skiptið eru það Tomahawk nautasteikur, kartöflur og grillað grænmeti.

Steikur:

• 2 stk Tomahawk nautasteikur
• 2 stk Sashi T bone
• salt og pipar
• 4 msk noisette smjör

Kartöflur:

• 6 bökunarkartöflur

Kryddsmjör:

• 500 gr smjör
• 1 box smápaprika
• 20 gr dill
• 20 gr kóriander
• 10 gr mynta
• 10 gr steinselja
• 10 gr basil
• Börkur af einni sítrónu
• 2 skalottulaukar
• 3 hvítlauksrif

Bakað grænmeti:

• 1 laukur
• 1 rauðlaukur
• 6 tómatar
• Salt og pipar
• Olía

Kryddsmjör

Takið stofuheitt smjörið og setjið á smjörpappír. Saxið papriku, hvítlauk, skalottulauk og kryddjurtir og blandið saman við smjörið ásamt berki af heilli sítrónu. Mótið smjörið í lengu og kælið. Skerið svo sneiðar af því eftir hentugleika

Kartöflur

Setjið kartöflur í álpappír og bakið á grilli í 30 mín á hvorri hlið. Skerið rauf í kartöflu og fyllið með 1 msk af kryddsmjöri.

Steikur

Grillið á háum hita fyrstu 10 mín og munið að salta og pipra á báðum hliðum. Þegar steikurnar hafa náð 56° kjarnahita leggið þá á bakka eða bretti og leyfið að hvíla í 10-15 mín. Hellið noisette smjöri yfir áður en steikurnar eru skornar niður.

Laukur og tómatar

Skerið tómata og lauk í báta og setjið í stóra örk af álpappír. Hellið olíu yfir og kryddið með salti og pipar. Lokið álpappírnum og bakið á grilli í 15 – 20 mín.