Hel­vítis kokkurinn: Grilluð fiskispjót með bok choi

Matreiðsluþátturinn er fyrir þá sem vilja ekkert kjaftæði, bara elda bragðgóðan mat. Í þetta skiptið eru það grilluð langa með grænmeti og brauði . Þáttinn má sjá í heild sinni hér fyrir neðan.

Fiskur:

• 600 gr. langa eða keila
• 2 tsk. rautt karrý
• 1 msk. sítrónupipar
• Börkur af einni sítrónu
• 5 gr. Mynta
• 10 gr. kóríander
• 5 gr. basil
• 100 ml. Isio 4 olía

Brauð:

• 6 sneiðar súrdeigsbrauð
• 100 gr. Isio 4 olía
• 4 rif hvítlaukur

Mayo:

• 1 msk. Helvítis eldpiparsultan - Habanero og appelsína
• 2 msk. Hellmans mayones

Grænmeti:

• 2 pakkar bok choi
• 2 msk. olía
• 1 msk. Kikkoman Teriayaki
• 1 msk. Kikkoman Soya
• 1 msk. sesamfræ
• 2 cm. saxað engifer
• 1 box konfekt tómatar

Fiskur og marinering

Hellið olíu í skál, saxið kryddjurtir útí og blandið saman við sítrónupipar, sítrónubörk og karrý. Skerið fisk í gúllasbita, setjið í skál og marinerið í 20 mín við stofuhita. Grillið í um 4-5 mín á annari hliðinni og kryddið með salti og pipar. Leyfið að standa á meðan þið grillið brauð.

Grillið brauðsneiðarnar á báðum hliðum og penslið með hvítlaukolíu á meðan, munið að salta einnig.

Bok Choi

Blandið saman í skál olíu, soya, teriyaki, engifer og sesamfræjum. Veltið bok choi uppúr og grillið í örfáar mínútur á heitu grilli. Leggið til hliðar.

Eldpiparmayo

Blandið saman Helvítis eldpiparsultunni Habanero og appelsína og Hellmans mayones saman í skál.

Hér fyrir neðan má sjá alla þættina af Helvítis kokkinum: