Kvöld­fréttir Stöðvar 2

Forsætisráðherra segir að athugasemdir Samkeppniseftirlitsins við búvörulög verði teknar til skoðunar, en lögin umdeildu voru samþykkt í vikunni. Formaður atvinnuveganefndar vísar gagnrýni um gagnsemi laganna á bug.

Malavíkst fótboltalið sem vann alla sína leiki á Rey Cup í fyrra vill mæta aftur til leiks í sumar. Leikmaður sem ólst upp við að spila með bolta sem hann bjó til úr plastpokum segist elska Ísland og langar að spila í ensku úrvalsdeildinni í framtíðinni.

Þá hittum við hárgreiðslumann sem býður viðskiptavinum sínum upp á byltingarkennda nýjung sem felst í klippingu án samræðna og hittum starfsmenn Hæfingarmiðstöðvarinnar sem mala kaffi fyrir kaffiklúbba víðs vegar um landið.