Ís­lendingur í átta liða úr­slitum á Evrópu­móti í einum vin­sælasta tölvu­leik heims

Ernir Ibsen Egilsson, Íslendingurinn sem keppir á mótinu er aðeins 16 ára gamall. Þrátt fyrir ungan aldur hefur hann spilað Minecraft í 9 ár, þar af síðustu þrjú með einbeitinguna á sprettspilun á leiknum. Minecraft hefur lengi verið einn vinsælasti leikur sögunnar, en spretspilanir á leiknum náðu mikilli athygli um 2020 þar sem vinsælustu Youtube-rásirnar tengdar Minecraft voru að sanka að sér milljónum áhorfa.

Ernir hefur þó trompað nærri alla þessa tíma, en fyrir 8 mánuðum náði hann sjöunda besta tíma heims. Ernir kláraði leikinn á 8 mínútum og 38 sekúndum og er tíminn hans nú í fjórtánda sæti. Ernir spilar Minecraft í beinni og streymir leiknum á Twitch-rás sinni.

Lið Íslands og Noregs eru nú komin í átta liða úrslit og spila okkar menn við lið Svíþjóðar, fimmtudaginn 7. mars. Fylgjast má með leiknum í beinni útsendingu á íslensku á Twitch-rás Rafíþróttasambandsins, en útsending frá leiknum hefst kl. 17:50 að íslenskum tíma. Enska lýsingu á frá viðburðinum má sömuleiðis nálgast á Twitch-rás AntoLne.