World Class hjónin, forsetafrúin og landsliðsfyrirliði í glæsiteiti

Meðal gesta var Eliza Reid forsetafrú, Þórdís Kolbrún Reykfjörð Gylfadóttir fjármála- og efnahagsráðherra, Ásgeir Jónsson seðlabankastjóri, Aron Pálmarsson landsliðsfyrirliði í handbolta, World Class hjónin Björn Leifsson og Hafdís Jónsdóttir svo fáir einir séu nefndir.

Michelin-stjörnukokkar mæta til leiks

Þetta er í átjánda sinn sem hátíðin verður haldin hér á landi, dagana 6. til 10. mars. 

Hulunni var svipt af þeim íslensku veitingastöðum sem taka þátt í hátíðinni í ár ásamt því að tilkynna hvaða matreiðslumeistarar mæta til landsins að þessu sinn. En átján framúrskarandi matreiðslumenn koma til landsins allsstaðar af úr heiminum og „taka yfir“ eldhús átján mismunandi veitingastaða.

Þá taka fjöldi Michelin-stjörnukokka þátt í herlegheitunum ásamt upprennandi matreiðsmönnum sem eru að ryðja sér til rúms í veitingageiranum. Eitt er víst að gestir Food & fun eiga von á ævintýralegri veislu fyrir bragðlaukana. 

Upplifun gesta í fyrirrúmi

Óli Hall framkvæmdastjóri Food & fun hélt erindi ásamt Ingu Tinnu þar sem hann lýsti ánægju sinni á samstarfi fyrirtækjanna sem eykur upplifun notenda. 

„Við hjá Food & Fun erum gríðarlega ánægð með sam­starfið við Dineout. Það eyk­ur mikið við not­enda­upp­lif­un hátíðargesta að geta nálg­ast all­ar upp­lýs­ing­ar um veit­ingastaði og gesta­kokka á sama stað og hægt er að bóka borð,“ sagði  Óli. 

Arnór Trausti Kristínarson ljósmyndari var með myndavélina á lofti og fangaði stemningu kvöldsins.