Kvöld­fréttir Stöðvar 2

Ráðamenn sjávarútvegsfyrirtækja halda enn í vonina um loðnuvertíð í vetur þrátt fyrir að Hafrannsóknastofnun hafi tilkynnt í dag að enginn loðnukvóti verði gefinn út eftir nýafstaðna loðnuleit. Við förum yfir málið í beinni útsendingu í myndveri.

Þeir Íslendingar sem fréttastofa ræddi við á förnum vegi í dag vilja flestir að Ísland taki ekki þátt í Eurovision í ár. Palestínumaður mun taka þátt í undankeppninni hér á landi í næsta mánuði.

Þá hittum við mótmælendur sem tóku tjaldbúðir á Austurvelli niður í dag, sjáum þegar styttan af séra Friðriki var fjarlægð af stalli í Lækjargötu og heyrum allt um uppbyggingu í Borgarnesi.

Þetta og fleira í kvöldfréttum Stöðvar 2 klukkan 18:30.