Fáir gagnrýndu LIV meira en einmitt McIlroy en í dag hefur hann sætt sig við sá staðreynd að sádiarabíska mótaröðin er komin til vera hluti af íþróttinni.
LIV mótaröðin var gangsett árið 2022 og fór fljótlega að stela mörgum af bestu kylfingum heims sem fengu mjög vel borgað fyrir það að færa sig yfir.
Bandaríska PGA-mótaröðin brást við þessu með því að banna umræddum kylfingum að spila á risamótunum.
McIlroy talaði um það í nýjum hlaðvarpsþætti að það sé ekki lengur hluti af hans skyldum að berjast gegn LIV mótaröðinni. Á sínum tíma sagðist hann frekar vilja hætta að keppa í golfi en að ganga til liðs við sádiarabísku golfmótaröðina. ESPN segir frá.
„Ég held það þegar ég lít til baka á þessari stundu að ég hafi verið aðeins of dómharður gagnvart strákunum sem fóru yfir til LIV og það voru mistök af minni hálfu. Nú átta ég mig betur á því að það eru ekki allir í sömu stöðu og ég og Tiger Woods,“ sagði Rory McIlroy í „Stick to Football“ hlaðvarpinu.
„Við gerumst allir atvinnumenn til að sjá fyrir okkur með því að spila íþróttina sem við elskum. Það hef ég áttað mig betur á undanfarin tvö ár. Ég get ekki dæmt fólk fyrir að taka slíka ákvörðun,“ sagði McIlroy.
#NEW: In a stunning reversal, Rory McIlroy says he was wrong about LIV GOLF and has accepted they are part of the sport: I was maybe a little judgmental of the guys who went to LIV Golf at the start, and I think it was a bit of a mistake on my part because I now realise pic.twitter.com/q5Aewt7xuE
— NUCLR GOLF (@NUCLRGOLF) January 3, 2024
