Veiðin að glæðast eftir rigningar

Árnar sem hafa verið illa farnar af vatnsleysi eru loksins komnar í gott vatn og það hefur heldur betur haft góð áhrif á veiðina. Veiðin í Norðurá og Langá er búin að taka ágætan kipp og hollið sem er við veiðar í Langá núna er búið að eiga ágætan morgun og áinn kominn í flott haustvatn. Það sama má segja um Norðurá en veiðimenn sem hafa verið þar eftir að hún fór í gott vatn eru búnir að eiga ágætt mót. Rigningin hefur komið laxinum af stað og vonandi hreyft vel við hausthængunum en þetta er þeirra tími og fréttum af stórlöxum hér á Veiðivísi fer vonandi að fjölga.