Kvöld­fréttir Stöðvar 2

Íslensk kona sem hefur þurft að yfirgefa heimili sitt í Noregi vegna flóða dvelur nú á hóteli ásamt fjölda annarra sem eru í sömu stöðu, og bíður þess að geta komist heim með börnin sín tvö. Við ræðum við hana í fréttatímanum.

Staðan í leikskólamálum borgarinnar er betri en í flestum öðrum sveitarfélögum að sögn borgarstjóra, þrátt fyrir að hann telji stöðuna verða svipaða í ár og undanfarin ár. Reykjavík muni áfram vera hagstæðust fyrir fjölskyldufólk.

Þá hittum við mann sem heldur kindur í garðinum sínum í Breiðholti, ræðum við friðarsinna um kertafleytingu sem fram fer í kvöld og fáum að heyra allt um aðsókn á selasetrið á Hvammstanga.

Þetta og margt fleira í kvöldfréttum á Stöð 2 og Bylgjunni klukkan 18:30.