Frábært opnunarholl í Norðurá

Áiner í frábæru júnívatni og aðstæður gætu varla verið betri. Hollið sem opnaði ána veiddi í tvo og hálfan dag og landaði 35 löxum sem er miklu meira en nokkur þorði að vona. Brynjar Þór Hreggviðsson sölustjóri Norðurár er að vonum kátur með þessa opnun. "Þetta var bara í alla staði frábær opnun og það sem vakti athygli okkar er ekki bara að það var einungis einn smálax í veiðinni en tveggja ára laxinn var meira og minna allur yfir 80 sm og rosalega vel haldinn" sagði Brynjar í samtali við veiðivísi.

Laxinn var að veiðast mest á Eyrinni, Brotinu, Bryggju en einnig var sett í laxa í Laugakvörn, Stokkhylsbroti, Hvararhylsbroti, Hræsvelg en þar slapp einn stór, Hornbreiðu, Stekk og Munaðarnesi. Stærsti laxinn í hollinu var 94 sm en sá sem slapp í Hræsvelg var nokkuð víst talinn stærri. Það verður spennandi að fylgjast með næstu opnunum en laxar eru farnir að sjást víða núna.