Sá með bleika hárið fann þá bleikustu í stúkunni og gaf henni treyjuna

Hinn 31 árs gamli Griezmann, sem spilar með Atlético Madrid, státar núna af bleiku hári.

Hann er með sex mörk og sjö stoðsendingar með Atlético í spænsku deildinni á þessu tímabili.

Í síðasta leik var bæði með marki og stoðsendingu í 3-0 sigri á Real Valladolid. Þetta var fyrsta markið hans eftir HM í Katar þar sem hann spilaði vel með silfurliði Frakka.

Eftir leikinn ákvað Griezmann að gleðja stuðningsmann Atlético Madrid með því að gefa keppnistreyjuna sína.

Griezmann fann auðvitað þá bleikustu í stúkunni og gaf henni treyjuna.

Stelpa með mjög bleikt hár grét af gleði eftir að hafa fengið keppnistreyju uppáhaldsleikmannsins síns eins og sjá má hér fyrir neðan.