Bein útsending: Kvöldfréttir Stöðvar 2

Töluvert fleiri hafa sótt um jólaaðstoð hjá Hjálparstarfi kirkjunnar nú fyrir jólin en undanfarin ár. Félagsráðgjafi segir neyðina mikla og erfiða stöðu á húsnæðismarkaði hafa mikið að segja. Þá leiti nú fjölmargir skjólstæðingar hjálparstarfsins í smálán til að reyna að bjarga sér.

Meirihluti fjárlaganefndar leggur til að fjölmiðlar á landsbyggðinni sem framleiða sjónvarpsefni fái hundrað milljónir króna í styrk úr ríkissjóði á næsta ári. Við verðum í beinni frá Alþingi, þar sem stjórnarandstaðan gagnrýndi tillöguna harðlega í dag. 

Icelandair hefur í fyrsta sinn sett Asíuríki inn í áætlun sína og hyggst hefja beint flug til Ísraels næsta vor. Meginástæðan er mikill áhugi Ísraelsmanna á Íslandi en helsta forsendan er að Boeing Max-þotan hefur reynst langdrægari en reiknað var með. 

Þá hittum við verðandi geimfara, sem búsettur er á Íslandi, og verðum í beinni útsendingu frá lokaæfingu Graduelakórs Langholtskirkju. Þetta og margt fleira í kvöldfréttum Stöðvar 2.