Söngvari Low roar er látinn

Árni Sæberg skrifar 30. október 2022 10:02

Ryan Karazija var aðeins fertugur þegar hann lést. Facebook/Low roar

Ryan Karazija, söngvari hljómsveitarinnar Low Roar er látinn aðeins fertugur að aldri. Hann hafði verið búsettur hér á landi frá árinu 2010.

Í tillkynningu hljómsveitarinnar á Instagram segir að Karazija hafi látist af völdum lungnabólgu eftir stutt veikindi. Hann hafi verið fremsti maður og aðaldrifkrafturinn á bak við Low roar.

View this post on Instagram

A post shared by low roar (@lowroar)

Þar segir jafnframt að textar hans og tónlist muni lifa hans dag og að hún hafi snert fólk um gervalla veröld, og muni halda áfram að gera það.

Þá segir að sjötta hljómplata hljómsveitarinnar hafi verið í vinnslu þegar aðalsprauta hljómsveitarinnar lést en hún verði samt sem áður kláruð og gefin út.

Tónlist Andlát

Tengdar fréttir

Tók upp plötu heima í stofu

Low Roar er listamannsnafn bandaríska tónlistarmannsins Ryans Karazija. Ryan flutti til Íslands fyrir ári og tók upp plötu heima í stofu hjá sér í vaktafríum frá erfiðisvinnu. Platan hefur fengið frábærar viðtökur.

12. desember 2011 16:00

Ricky Gervais gefst upp á skrifum, drekkur vín og hlustar á íslenska tónlist

Íslenska hljómsveitin Low Roar er í miklu uppáhaldi hjá enska grínistanum Ricky Gervais ef marka má færslur hans á Twitter í nótt.

7. apríl 2015 11:10

Melódísk og tregafull

Low Roar er listamannsnafn Ryans Karazija frá Kaliforníu. Ryan var áður meðlimur í hljómsveitinni Audrye Sessions sem gaf út samnefnda plötu árið 2009. Í dag er Ryan hins vegar búinn að vera búsettur á Íslandi í tvö ár og er giftur íslenskri konu. Hann vann Low Roar-plötuna bæði í Reykjavík og Los Angeles en bandaríska plötuútgáfan Tonequake Records gaf hana út í nóvember síðastliðnum. Ryan semur lög og texta, syngur og spilar á flest hljóðfærin, en á meðal aðstoðarhljóðfæraleikara eru tveir Íslendingar.

16. febrúar 2012 21:00