Rikki fórnar­lamb Audda og Bergs Ebba í út­pældum hrekk

Í þættinum á föstudaginn mættu grínistarnir Bergur Ebbi og Dóri DNA og var þemað þáttarins hrekkir.

Auðunn Blöndal hefur nokkuð víðtæka reynslu í hrekkjum enda var hann umsjónamaður þáttarins Tekinn í nokkur ár á Stöð 2.

Eitt verkefnið var að fara út í bæ og hrekkja fólk. Bergur Ebbi var með Audda í liði og Dóri með Steinda.

Fórnarlamb Audda og Bergs var íþróttafréttamaðurinn Rikki G en þeir hrekktu hann við störf fyrir leik í Bestu deild karla sem fram fór í Garðabæ fyrr í sumar.

Þeir félagar fengu með sér í lið útvarpsmanninn Mána. Rikki hélt í raun að hann væri í beinni útsendingu á Stöð 2 Sport og Máni var einhver óþægilegasti viðmælandi sem hægt er að ímynda sér. Einnig mætti ungur drengur á grasið og truflaði Rikka ítrekað. 

Hrekkurinn hefur vakið mikla athygli um helgina og eru margir að ræða hann. Hér að neðan má sjá lengri útgáfu af hrekknum sem sýndur var í Stóra sviðinu á föstudagskvöldið.