Tíska og hönnun

„Madame Butter­fly“ er látin

Atli Ísleifsson skrifar
Hanae Mori varð 96 ára gömul. Myndin er frá árinu 1987.
Hanae Mori varð 96 ára gömul. Myndin er frá árinu 1987. Getty

Japanski fatahönnuðurinn Hanae Mori, sem þekkt var sem „Madame Butterfly“ í tískuheiminum, er látin, 96 ára að aldri. Mori er sögð vera fyrsti japanski hönnuðurinn sem hafi slegið rækilega í gegn í heimi hinnar frönsku hátísku.

Skrifstofa Hanae Mori staðfesti andlátið í gærkvöldi. Hanae Mori sló í gegn á áttunda áratugnum en hún var talin vera ein af táknmyndum hins breytta Japans, sem nútímaleg og nýtískuleg þjóð.

Af tískusýningu Hanae Mori á níunda áratugnum.Getty

Hún hannaði föt fyrir konur á borð við leikkonuna Grace Kelly og bandarísku forsetafrúna Nancy Reagan. Þá hannaði hún brúðarkjól japönsku keistaraynjunnar Masako.

Fyrirtæki hennar hannaði föt, en einnig handtöskur og ilmvötn. Á fatnaðinum var jafnan að finna fiðrildi sem varð til þess að hún fékk viðurnefnið Madame Butterfly.

Hanae Mori fæddist í vesturhluta Japans árið 1926 og stundaði bókmenntafræði í Tókýó áður en hún gerðist fatahönnuður. Í upphafi ferilsins hannaði hún sérstaklega búninga á leikara í kvikmyndum.

Japan Andlát Tíska og hönnun


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.