Fótbolti

Valgeir og Logi kallaðir inn í U21 landsliðið

Arnar Geir Halldórsson skrifar
Valgeir Valgeirsson.
Valgeir Valgeirsson. VÍSIR/HAG

Tvær breytingar verða á leikmannahópi U21 árs landsliðsins í fótbolta milli leikja í undankeppni EM.

Valgeir Valgeirsson úr HK og Logi Tómasson, Víking, hafa verið kallaðir inn í hópinn fyrir leikinn gegn Hvíta Rússlandi sem fram fer á Víkingsvelli næstkomandi miðvikudag.

Þeir koma inn í hópinn fyrir Finn Tómas Pálmason sem getur ekki leikið vegna meiðsla og Atla Barkarson sem var kallaður inn í A landsliðshópinn í gær.

U21 árs liðið vann 9-0 sigur á Liechtenstein á dögunum og situr í 3.sæti riðilsins þegar tveimur umferðum er ólokið.

Íslenski boltinn

Mest lesið


Fleiri fréttir

Sjá meira


×

Mest lesið