Lífið

Bjarni vill frekar kvöldstund með Ingó Veðurguð en Gunnari Smára

Snorri Másson skrifar

Bjarni Benediktsson fjármála- og efnahagsráðherra kveðst frekar myndu vilja verja kvöldstund með söngvaranum Ingólfi Þórarinssyni Veðurguð en Gunnari Smára Egilssyni sósíalista.

„Gunnar Smári eða Ingó Veðurguð?“ er Bjarni spurður af Þórarni Hjartarsyni stjórnanda hlaðvarpsins Einnar pælingar í viðtali sem birtist í vikunni.

Bjarni svarar: „Æ, ég myndi vilja Ingó Veðurguð. Ég myndi biðja hann um að taka gítarinn og bara, þú veist, að reyna að hafa góða kvöldstund með Gunnari Smára, ég held að það sé fyrirfram dauðadæmt.“

Fjármála- og efnahagsráðherra telur dauðadæmt að eiga góða stund með Gunnari Smára og myndi því frekar velja kvöldstund með Ingólfi Þórarinssyni Veðurguð.

Fjallað var um svör Bjarna við spurningu Þórarins Hjartarsonar þáttastjórnanda í Íslandi í dag. Svarið má sjá á áttundu mínútu í innslaginu hér að ofan en heildarviðtalið við Bjarna er einnig að finna á YouTube-rás hlaðvarpsins hér að neðan.

Eins og því var lýst í Íslandi í dag hefur Bjarni Benediktsson í gegnum tíðina tekist mjög harkalega á við Gunnar Smára Egilsson. Gunnar Smári hefur aldrei sparað stóru orðin þegar kemur að Bjarna, hann er þjófur, hann er mafíósi, hann er spilltur, hann er óvinsæll, og þar fram eftir götum. Maður hefði haldið að Bjarna væri alveg sama um þessar svívirðingar, þetta er greinilega ekki að virka og þetta kom Gunnari Smára ekki inn á þing, en nei, Bjarna er greinilega ekki sama.

Sjálfstæðisflokkurinn MeToo Sósíalistaflokkurinn

Tengdar fréttir

„Þreklaus“ Ingó segist ekki hafa kýlt konu

Ingólfur Þórarinsson, sem er ef til vill betur þekktur sem Ingó veðurguð, segir það í „besta falli galið“ að hann hafi kýlt konu og hrækt framan í hana. Hann segist þreyttur á að verjast nafnlausum ásökunum en birtir á Facebook skjáskot af pósti frá lögmanni sínum þar sem fram komi að hann hafi aldrei verið kærður ofbeldisbrot eða kynferðisbrot.

Fimm vitni höfðu sögur að segja af hegðun Ingólfs

Fimm vitni komu fyrir Héraðsdóm Reykjavíkur í dag og sögðu frá samskiptum sínum eða vina sinna við Ingólf Þórarinsson. Ingólfur stefnir Sindra Þór Sigríðarsyni Hilmarssyni fyrir ummæli sem Sindri lét falla á Twitter og krefst greiðslu miskabóta vegna þeirra.

Spilltasti og óvinsælasti stjórnmálamaður sögunnar

Skoðanakönnun Maskínu í vikunni leiddi í ljós að Bjarni Benediktsson, fjármálaráðherra og formaður Sjálfstæðisflokksins, er sá stjórnmálamaður sem flestir landsmanna vantreysta. Ekki bara núna heldur í gegnum alla Íslandssöguna.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.