Ísland í aðalhlutverki í Hyundai auglýsingu

Kristinn Ásgeir Gylfason skrifar 22. maí 2022 07:01

Ioniq 5 og starfsmaður tökuliðsins. Jonathan Lichtenberg

Kvikmyndatökulið á vegum bílaframleiðandans Hyundai var statt hér á landi fyrr á árinu til að taka upp myndefni þar sem Heimsbíll ársins 2022, Ioniq 5 og jepplingurinn Tucson PHEV voru í aðalhlutverkum.

Tucson við tökur með Ioniq 5 í bakgrunninum.Jonathan Lichtenberg

Bílunum var stillt upp á ýmsum myndrænum stöðum með ströndinni á Reykjanesi og Suðurlandi, en einnig í uppsveitum Borgarfjarðar og á Snæfellsnesi. Markmiðið með myndatökunum var að vekja athygli á hreinleika íslenskrar náttúru og mikilvægi kolefnishlutleysis og aukinnar sjálfbærni með nýtingu á grænum og endurnýjanlegum orkugjöfum. Í því samhengi gegna stóru hlutverki náttúruauðlindir landsins, sem skapa margvísleg jákvæð tækifæri í þágu grænnar framtíðar fyrir land og þjóð og eiga stóran þátt í miklum lífsgæðum landsmanna.

Verkefnið er stórt samfélagsmiðlaverkefni á vegum Hyundai sem hleypt verður af stokkunum í júní með fjölbreyttu myndefni af stórbrotnum stöðum, þar sem kallast á einstök náttúra Íslands og Spánar, þar sem sambærilegt verkefni var einnig unnið.

Vistvænir bílar Auglýsinga- og markaðsmál