Kostar tæplega 140 milljarða að leysa Araujo undan nýja samningnum

Það samsvarar rétt tæplega 140 milljörðum íslenskra króna, en gamli samningur leikmannsinns átti að gilda til ársins 2023.

Þessi 23 ára Úrúgvæi hefur leikið 26 deildarleiki fyrir Barcelona á tímabilinu og skorað í þeim fjögur mörk. Þar af skoraði hann eitt markanna í 4-0 sigri Barcelona gegn erkifjendunum Real Madrid.

„Hann hefur sannað það að hann er nútíð og framtíð Barcelona og er orðinn mikilvægur hlekkur í vörn liðsins,“ segir í tilkynningu á opinberri heimasíðu Barcelona.

„Hæfileikar hans í vörn og markaskorun þýða að hann er lykilleikmaður á komandi árum.“

Araujo gekk til liðs við Barcelona frá Boston River í heimalandinu árið 2018. Hann spilaði sinn fyrsta leik með aðalliði félagsins þegar hann kom inn af varamannabekknum í leik gegn Sevilla árið 2019, en var sendur af velli með rautt spjald aðeins 14 mínútum síðar.

Þá á hann að baki níu leiki fyrir úrúgvæska landsliðið, en hann lék sinn fyrsta A-landsleik árið 2020.