„Ég fékk lánaða gamla myndavél frá pabba, gamla Leicu. Hann sagði mér, þú átt að taka myndir og þú verður að vanda þig.“
Fremst í sýningarskránni fyrir nýjustu sýningu RAX, sem sett var upp í Þýskalandi, mátti finna myndir af bændum að veiða seli. Myndirnar tók hann tíu ára gamall.
„Ég lofaði þeim að birta þetta ekki fyrr en eftir þeirra dag. Þeir báðu mig um að vera ekkert að flagga því. Ég stóð við það.“
Frásögnina má heyra í heild sinni í spilaranum hér fyrir neðan.
Í þáttunum RAX Augnablik segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+.
Hægt er að sjá alla þættina hér á Vísi.