Laxveiði á næsta fræðslukvöldi SVFR Karl Lúðvíksson skrifar 21. mars 2022 08:28 Síðasta Fræðslukvöld á vegum SVFR var einstaklega vel sótt og skemmtilegt og greinilegt að veiðimenn og veiðikonur voru orðin langeyg eftir tækifæri að hittast og ræða veiði. Á síðasta fræðslukvöldi var talað um sjóbirting en á næsta kvöldi sem verður haldið á Ölveri í Glæsibæ miðvikudaginn 23. mars verður farið í laxveiði enda styttist óðum í að sá silfraði fari að mæta í árnar. Til að fræða viðstadda um það helsta í laxveiðinni verða Karl Magnús Gunnarsson leiðsögumaður en hann hefur verið viðloðin veiðileiðsögn í um tvo áratugi. Vala Árnadóttir er dóttir hins kunnuga laxahvíslara Árna Bald og hefur verið við veiðar víða um heim frá blautu barnsbeini og er í dag ein reyndasta veiðikona landsins. Undirritaður fær pínu kjánahroll við að tilkynna að hann verði síðan sá síðasti í púltinu það kvöld en á 30 árum við laxveiðar og veiðileiðsögn hlýtur að vera eitthvað sem maður getur kennt og komið á framfæri. Umræðuefnið verður sem fyrr laxveiði og þar verður stiklað á því helsta sem viðkemur laxveiðum en þar má nefna aðkomu að veiðistað, veitt og sleppt, val á flugum, yfirferð á veiðistað, hvar liggur laxinn, hvíld veiðistaða, haustveiði vs sumarveiði og margt fleira. Á kvöldinu verður eins og venjan er glæsilegt happdrætti að í lokin og verða vinningar frá Vesturröst, Veiðivon, Veiðifélaginu, Veiðiportinu, Veiðihorninu, Haugurinn, Flugubúllan og Veiðiflugur á hlaðborði vinninga á þessu kvöldi og reyndar öllum kvöldunum sem framundan eru. Fræðslan hefst klukkan 20:00 og eru veiðimenn og veiðikonur hvattir til að mæta tímanlega til að tryggja sér sæti á Ölveri í Glæsibæ næsta miðvikudag. Stangveiði Mest lesið Ný glær flotlína frá Airflo Veiði Vatnsdalsá opnaði í morgun Veiði Gamla veiðidótið ekki alltaf verðlaust en yfirleitt Veiði Verðlaun fyrir skemmtilegar innsendar veiðifréttir Veiði Nýr leigutaki tekur við Stóru Laxá Veiði Varaáætlun um jólamat! Veiði Tóti Tönn og félagar ekki í Blönduopnun Veiði Hlíðarvatn er að komast í gang Veiði Af góðum árum, vondum árum og meðaltölum í laxveiði Veiði Fleiri lokatölur úr laxveiðiánum Veiði
Á síðasta fræðslukvöldi var talað um sjóbirting en á næsta kvöldi sem verður haldið á Ölveri í Glæsibæ miðvikudaginn 23. mars verður farið í laxveiði enda styttist óðum í að sá silfraði fari að mæta í árnar. Til að fræða viðstadda um það helsta í laxveiðinni verða Karl Magnús Gunnarsson leiðsögumaður en hann hefur verið viðloðin veiðileiðsögn í um tvo áratugi. Vala Árnadóttir er dóttir hins kunnuga laxahvíslara Árna Bald og hefur verið við veiðar víða um heim frá blautu barnsbeini og er í dag ein reyndasta veiðikona landsins. Undirritaður fær pínu kjánahroll við að tilkynna að hann verði síðan sá síðasti í púltinu það kvöld en á 30 árum við laxveiðar og veiðileiðsögn hlýtur að vera eitthvað sem maður getur kennt og komið á framfæri. Umræðuefnið verður sem fyrr laxveiði og þar verður stiklað á því helsta sem viðkemur laxveiðum en þar má nefna aðkomu að veiðistað, veitt og sleppt, val á flugum, yfirferð á veiðistað, hvar liggur laxinn, hvíld veiðistaða, haustveiði vs sumarveiði og margt fleira. Á kvöldinu verður eins og venjan er glæsilegt happdrætti að í lokin og verða vinningar frá Vesturröst, Veiðivon, Veiðifélaginu, Veiðiportinu, Veiðihorninu, Haugurinn, Flugubúllan og Veiðiflugur á hlaðborði vinninga á þessu kvöldi og reyndar öllum kvöldunum sem framundan eru. Fræðslan hefst klukkan 20:00 og eru veiðimenn og veiðikonur hvattir til að mæta tímanlega til að tryggja sér sæti á Ölveri í Glæsibæ næsta miðvikudag.
Stangveiði Mest lesið Ný glær flotlína frá Airflo Veiði Vatnsdalsá opnaði í morgun Veiði Gamla veiðidótið ekki alltaf verðlaust en yfirleitt Veiði Verðlaun fyrir skemmtilegar innsendar veiðifréttir Veiði Nýr leigutaki tekur við Stóru Laxá Veiði Varaáætlun um jólamat! Veiði Tóti Tönn og félagar ekki í Blönduopnun Veiði Hlíðarvatn er að komast í gang Veiði Af góðum árum, vondum árum og meðaltölum í laxveiði Veiði Fleiri lokatölur úr laxveiðiánum Veiði